Texts

saha tārāṅgadābhyāṃ tu gatvā sa hanumān kapiḥ / (1.1) Par.?

sugrīveṇa yathoddiṣṭaṃ taṃ deśam upacakrame // (1.2) Par.?

sa tu dūram upāgamya sarvais taiḥ kapisattamaiḥ / (2.1) Par.?

vicinoti sma vindhyasya guhāś ca gahanāni ca // (2.2) Par.?

parvatāgrān nadīdurgān sarāṃsi vipulān drumān / (3.1) Par.?

vṛkṣaṣaṇḍāṃś ca vividhān parvatān ghanapādapān // (3.2) Par.?

anveṣamāṇās te sarve vānarāḥ sarvato diśam / (4.1) Par.?

na sītāṃ dadṛśur vīrā maithilīṃ janakātmajām // (4.2) Par.?

te bhakṣayanto mūlāni phalāni vividhāni ca / (5.1) Par.?

anveṣamāṇā durdharṣā nyavasaṃs tatra tatra ha / (5.2) Par.?

sa tu deśo duranveṣo guhāgahanavān mahān // (5.3) Par.?

tyaktvā tu taṃ tadā deśaṃ sarve vai hariyūthapāḥ / (6.1) Par.?

deśam anyaṃ durādharṣaṃ viviśuś cākutobhayāḥ // (6.2) Par.?

yatra vandhyaphalā vṛkṣā vipuṣpāḥ parṇavarjitāḥ / (7.1) Par.?

nistoyāḥ sarito yatra mūlaṃ yatra sudurlabham // (7.2) Par.?

na santi mahiṣā yatra na mṛgā na ca hastinaḥ / (8.1) Par.?

śārdūlāḥ pakṣiṇo vāpi ye cānye vanagocarāḥ // (8.2) Par.?

snigdhapattrāḥ sthale yatra padminyaḥ phullapaṅkajāḥ / (9.1) Par.?

prekṣaṇīyāḥ sugandhāś ca bhramaraiś cāpi varjitāḥ // (9.2) Par.?

kaṇḍur nāma mahābhāgaḥ satyavādī tapodhanaḥ / (10.1) Par.?

maharṣiḥ paramāmarṣī niyamair duṣpradharṣaṇaḥ // (10.2) Par.?

tasya tasmin vane putro bālako daśavārṣikaḥ / (11.1) Par.?

pranaṣṭo jīvitāntāya kruddhas tatra mahāmuniḥ // (11.2) Par.?

tena dharmātmanā śaptaṃ kṛtsnaṃ tatra mahad vanam / (12.1) Par.?

aśaraṇyaṃ durādharṣaṃ mṛgapakṣivivarjitam // (12.2) Par.?

tasya te kānanāntāṃs tu girīṇāṃ kandarāṇi ca / (13.1) Par.?

prabhavāni nadīnāṃca vicinvanti samāhitāḥ // (13.2) Par.?

tatra cāpi mahātmāno nāpaśyañ janakātmajām / (14.1) Par.?

hartāraṃ rāvaṇaṃ vāpi sugrīvapriyakāriṇaḥ // (14.2) Par.?

te praviśya tu taṃ bhīmaṃ latāgulmasamāvṛtam / (15.1) Par.?

dadṛśuḥ krūrakarmāṇam asuraṃ suranirbhayam // (15.2) Par.?

taṃ dṛṣṭvā vanarā ghoraṃ sthitaṃ śailam ivāparam / (16.1) Par.?

gāḍhaṃ parihitāḥ sarve dṛṣṭvā taṃ parvatopamam // (16.2) Par.?

so 'pi tān vānarān sarvān naṣṭāḥ sthety abravīd balī / (17.1) Par.?

abhyadhāvata saṃkruddho muṣṭim udyamya saṃhitam // (17.2) Par.?

tam āpatantaṃ sahasā vāliputro 'ṅgadas tadā // (18.1) Par.?

rāvaṇo 'yam iti jñātvā talenābhijaghāna ha / (19.1) Par.?

sa vāliputrābhihato vaktrāc choṇitam udvaman // (19.2) Par.?

asuro nyapatad bhūmau paryasta iva parvataḥ / (20.1) Par.?

te tu tasmin nirucchvāse vānarā jitakāśinaḥ / (20.2) Par.?

vyacinvan prāyaśas tatra sarvaṃ tad girigahvaram // (20.3) Par.?

vicitaṃ tu tataḥ kṛtvā sarve te kānanaṃ punaḥ / (21.1) Par.?

anyadevāparaṃ ghoraṃ viviśur girigahvaram // (21.2) Par.?

te vicintya punaḥ khinnā viniṣpatya samāgatāḥ / (22.1) Par.?

ekānte vṛkṣamūle tu niṣedur dīnamānasāḥ // (22.2) Par.?