UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4935
- Click on a sentence to show its analysis
- Keep the mouse pointer over a lemma to show its meanings.
tathokte tān ṛṣīn rāmaḥ pratyuvāca kṛtāñjaliḥ / (1.1)
Par.?
kimāhāraḥ kimācāro lavaṇaḥ kva ca vartate // (1.2)
Par.?
rāghavasya vacaḥ śrutvā ṛṣayaḥ sarva eva te / (2.1)
Par.?
tato nivedayāmāsur lavaṇo vavṛdhe yathā // (2.2)
Par.?
āhāraḥ sarvasattvāni viśeṣeṇa ca tāpasāḥ / (3.1)
Par.?
ācāro raudratā nityaṃ vāso madhuvane sadā // (3.2)
Par.?
hatvā daśasahasrāṇi siṃhavyāghramṛgadvipān / (4.1)
Par.?
mānuṣāṃścaiva kurute nityam āhāram āhnikam // (4.2)
Par.?
tato 'parāṇi sattvāni khādate sa mahābalaḥ / (5.1)
Par.?
saṃhāre samanuprāpte vyāditāsya ivāntakaḥ // (5.2)
Par.?
tacchrutvā rāghavo vākyam uvāca sa mahāmunīn / (6.1)
Par.?
ghātayiṣyāmi tad rakṣo vyapagacchatu vo bhayam // (6.2)
Par.?
tathā teṣāṃ pratijñāya munīnām ugratejasām / (7.1)
Par.?
sa bhrātṝn sahitān sarvān uvāca raghunandanaḥ // (7.2)
Par.?
ko hantā lavaṇaṃ vīrāḥ kasyāṃśaḥ sa vidhīyatām / (8.1)
Par.?
bharatasya mahābāhoḥ śatrughnasyāthavā punaḥ // (8.2)
Par.?
rāghaveṇaivam uktastu bharato vākyam abravīt / (9.1)
Par.?
aham enaṃ vadhiṣyāmi mamāṃśaḥ sa vidhīyatām // (9.2)
Par.?
bharatasya vacaḥ śrutvā śauryavīryasamanvitam / (10.1)
Par.?
lakṣmaṇāvarajastasthau hitvā sauvarṇam āsanam // (10.2)
Par.?
śatrughnastvabravīd vākyaṃ praṇipatya narādhipam / (11.1)
Par.?
kṛtakarmā mahābāhur madhyamo raghunandanaḥ // (11.2)
Par.?
āryeṇa hi purā śūnyā ayodhyā rakṣitā purī / (12.1)
Par.?
saṃtāpaṃ hṛdaye kṛtvā āryasyāgamanaṃ prati // (12.2)
Par.?
duḥkhāni ca bahūnīha anubhūtāni pārthiva / (13.1)
Par.?
śayāno duḥkhaśayyāsu nandigrāme mahātmanā // (13.2)
Par.?
phalamūlāśano bhūtvā jaṭācīradharastathā / (14.1)
Par.?
anubhūyedṛśaṃ duḥkham eṣa rāghavanandanaḥ / (14.2)
Par.?
preṣye mayi sthite rājanna bhūyaḥ kleśam āpnuyāt // (14.3)
Par.?
tathā bruvati śatrughne rāghavaḥ punar abravīt / (15.1)
Par.?
evaṃ bhavatu kākutstha kriyatāṃ mama śāsanam // (15.2) Par.?
rājye tvām abhiṣekṣyāmi madhostu nagare śubhe / (16.1)
Par.?
niveśaya mahābāho bharataṃ yadyavekṣase // (16.2)
Par.?
śūrastvaṃ kṛtavidyaśca samarthaḥ saṃniveśane / (17.1)
Par.?
nagaraṃ madhunā juṣṭaṃ tathā janapadāñśubhān // (17.2)
Par.?
yo hi vaṃśaṃ samutpāṭya pārthivasya punaḥ kṣaye / (18.1)
Par.?
na vidhatte nṛpaṃ tatra narakaṃ sa nigacchati // (18.2)
Par.?
sa tvaṃ hatvā madhusutaṃ lavaṇaṃ pāpaniścayam / (19.1)
Par.?
rājyaṃ praśādhi dharmeṇa vākyaṃ me yadyavekṣase // (19.2)
Par.?
uttaraṃ ca na vaktavyaṃ śūra vākyāntare mama / (20.1)
Par.?
bālena pūrvajasyājñā kartavyā nātra saṃśayaḥ // (20.2)
Par.?
abhiṣekaṃ ca kākutstha pratīcchasva mayodyatam / (21.1)
Par.?
vasiṣṭhapramukhair viprair vidhimantrapuraskṛtam // (21.2)
Par.?
Duration=0.072454929351807 secs.