Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 1757

Click on a sentence to show its analysis
Keep the mouse pointer over a lemma to show its meanings.

athaiteṣu madhye bharadvājaḥ katham indram upāgamad ityāha ka ityādi // (1) Par.?

śacīpatim ityanena śacīsambhogavyāsaktam apyaham upāsituṃ kṣama iti bharadvājo darśayati // (2) Par.?

arthe prayojane // (3) Par.?

niyujyeyaṃ vyāpārayeyam // (4) Par.?

atreti prakṛtaprayojana eva atretiśabdo yasmādarthe // (5) Par.?

yathā subhikṣam ityāgataḥ yasmāt subhikṣaṃ tasmādāgata ityarthaḥ // (6) Par.?

niyojita iti caurādiko ṇica na hetau // (7) Par.?

anena prakaraṇena bharadvājasyāyurvedāgame viśeṣeṇārthitvānna preraṇamiti darśitaṃ bhavati // (8) Par.?

provāceti samyaguvāca na tu praśabdaḥ prapañcārthaḥ padairalpair ityuktatvāt // (9) Par.?

kasmāt padair alpair uvācetyāha matiṃ buddhvā vipulām iti yasmād vipulamatiṃ bharadvājaṃ pratipannavān tasmāt padair alpair uvāceti bhāvaḥ matiś ca bahuviṣayatvenopacārād vipulety ucyate sā ca matiḥ śuśrūṣāśravaṇagrahaṇadhāraṇohāpohatattvābhiniveśavatīha vipulā boddhavyā // (10) Par.?

atra cendreṇa divyadṛśā bharadvājābhiprāyam agrata eva buddhvāyurveda upadiṣṭaḥ tena bharadvājasyendrapṛcchādīha na darśitaṃ kiṃvā bhūtam apīndrapṛcchādi granthavistarabhayād iha na likhitam // (11) Par.?

Duration=0.023324012756348 secs.