Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 2914
  • Click on a sentence to show its analysis
  • Keep the mouse pointer over a lemma to show its meanings.
sūta uvāca / (1.1) Par.?
etasminn eva kāle tu bhaginyau te tapodhana / (1.2) Par.?
apaśyatāṃ samāyāntam uccaiḥśravasam antikāt // (1.3) Par.?
yaṃ taṃ devagaṇāḥ sarve hṛṣṭarūpā apūjayan / (2.1) Par.?
mathyamāne 'mṛte jātam aśvaratnam anuttamam // (2.2) Par.?
mahaughabalam aśvānām uttamaṃ javatāṃ varam / (3.1) Par.?
śrīmantam ajaraṃ divyaṃ sarvalakṣaṇalakṣitam // (3.2) Par.?
śaunaka uvāca / (4.1) Par.?
kathaṃ tad amṛtaṃ devair mathitaṃ kva ca śaṃsa me / (4.2) Par.?
*kāraṇaṃ cātha mathane kiṃ jātam amṛtāt param / (4.3) Par.?
yatra jajñe mahāvīryaḥ so 'śvarājo mahādyutiḥ // (4.4) Par.?
sūta uvāca / (5.1) Par.?
jvalantam acalaṃ meruṃ tejorāśim anuttamam / (5.2) Par.?
*pūrvaṃ suragaṇāḥ sarve tathā daityāśca sarvaśaḥ / (5.3) Par.?
*kṣujjarābhyāṃ samākrāntā brahmāṇam upatasthire / (5.4) Par.?
ākṣipantaṃ prabhāṃ bhānoḥ svaśṛṅgaiḥ kāñcanojjvalaiḥ // (5.5) Par.?
kāñcanābharaṇaṃ citraṃ devagandharvasevitam / (6.1) Par.?
aprameyam anādhṛṣyam adharmabahulair janaiḥ // (6.2) Par.?
vyālair ācaritaṃ ghorair divyauṣadhividīpitam / (7.1) Par.?
nākam āvṛtya tiṣṭhantam ucchrayeṇa mahāgirim // (7.2) Par.?
agamyaṃ manasāpyanyair nadīvṛkṣasamanvitam / (8.1) Par.?
nānāpatagasaṃghaiśca nāditaṃ sumanoharaiḥ // (8.2) Par.?
tasya pṛṣṭham upāruhya bahuratnācitaṃ śubham / (9.1) Par.?
anantakalpam udviddhaṃ surāḥ sarve mahaujasaḥ // (9.2) Par.?
te mantrayitum ārabdhāstatrāsīnā divaukasaḥ / (10.1) Par.?
amṛtārthe samāgamya taponiyamasaṃsthitāḥ // (10.2) Par.?
tatra nārāyaṇo devo brahmāṇam idam abravīt / (11.1) Par.?
cintayatsu sureṣvevaṃ mantrayatsu ca sarvaśaḥ // (11.2) Par.?
devair asurasaṃghaiśca mathyatāṃ kalaśodadhiḥ / (12.1) Par.?
bhaviṣyatyamṛtaṃ tatra mathyamāne mahodadhau // (12.2) Par.?
sarvauṣadhīḥ samāvāpya sarvaratnāni caiva hi / (13.1) Par.?
manthadhvam udadhiṃ devā vetsyadhvam amṛtaṃ tataḥ // (13.2) Par.?
Duration=0.10303211212158 secs.