Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 6072

yudhiṣṭhira uvāca / (1.1) Par.?

svakarmaṇyapare yuktāstathaivānye vikarmaṇi / (1.2) Par.?

teṣāṃ viśeṣam ācakṣva brāhmaṇānāṃ pitāmaha // (1.3) Par.?

bhīṣma uvāca / (2.1) Par.?

vidyālakṣaṇasampannāḥ sarvatrāmnāyadarśinaḥ / (2.2) Par.?

ete brahmasamā rājan brāhmaṇāḥ parikīrtitāḥ // (2.3) Par.?

ṛtvigācāryasampannāḥ sveṣu karmasvavasthitāḥ / (3.1) Par.?

ete devasamā rājan brāhmaṇānāṃ bhavantyuta // (3.2) Par.?

ṛtvik purohito mantrī dūto 'thārthānuśāsakaḥ / (4.1) Par.?

ete kṣatrasamā rājan brāhmaṇānāṃ bhavantyuta // (4.2) Par.?

aśvārohā gajārohā rathino 'tha padātayaḥ / (5.1) Par.?

ete vaiśyasamā rājan brāhmaṇānāṃ bhavantyuta // (5.2) Par.?

janmakarmavihīnā ye kadaryā brahmabandhavaḥ / (6.1) Par.?

ete śūdrasamā rājan brāhmaṇānāṃ bhavantyuta // (6.2) Par.?

aśrotriyāḥ sarva eva sarve cānāhitāgnayaḥ / (7.1) Par.?

tān sarvān dhārmiko rājā baliṃ viṣṭiṃ ca kārayet // (7.2) Par.?

āhvāyakā devalakā nakṣatragrāmayājakāḥ / (8.1) Par.?

ete brāhmaṇacaṇḍālā mahāpathikapañcamāḥ // (8.2) Par.?

etebhyo balim ādadyāddhīnakośo mahīpatiḥ / (9.1) Par.?

ṛte brahmasamebhyaśca devakalpebhya eva ca // (9.2) Par.?

abrāhmaṇānāṃ vittasya svāmī rājeti vaidikam / (10.1) Par.?

brāhmaṇānāṃ ca ye kecid vikarmasthā bhavantyuta // (10.2) Par.?

vikarmasthāstu nopekṣyā jātu rājñā kathaṃcana / (11.1) Par.?

niyamyāḥ saṃvibhajyāśca dharmānugrahakāmyayā // (11.2) Par.?

yasya sma viṣaye rājñaḥ steno bhavati vai dvijaḥ / (12.1) Par.?

rājña evāparādhaṃ taṃ manyante tadvido janāḥ // (12.2) Par.?

avṛttyā yo bhavet steno vedavit snātakastathā / (13.1) Par.?

rājan sa rājñā bhartavya iti dharmavido viduḥ // (13.2) Par.?

sa cenno parivarteta kṛtavṛttiḥ paraṃtapa / (14.1) Par.?

tato nirvāsanīyaḥ syāt tasmād deśāt sabāndhavaḥ // (14.2) Par.?

Duration=0.51638197898865 secs.