UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2425
- Click on a sentence to show its analysis
- Keep the mouse pointer over a lemma to show its meanings.
īśvara uvāca / (1.1)
Par.?
ataḥ paraṃ pravakṣyāmi ghṛtācalamanuttamam / (1.2)
Par.?
tejo'mṛtamayaṃ divyaṃ mahāpātakanāśanam // (1.3)
Par.?
viṃśatyā ghṛtakumbhānāmuttamaḥ syādghṛtācalaḥ / (2.1)
Par.?
daśabhirmadhyamaḥ proktaḥ pañcabhistvadhamaḥ smṛtaḥ // (2.2)
Par.?
alpavitto'pi yaḥ kuryāddvābhyāmiha vidhānataḥ / (3.1)
Par.?
viṣkambhaparvatāṃstadvaccaturbhāgeṇa kalpayet // (3.2)
Par.?
śālitaṇḍulapātrāṇi kumbhopari niveśayet / (4.1)
Par.?
kārayetsaṃhatānuccānyathāśobhaṃ vidhānataḥ // (4.2)
Par.?
veṣṭayecchuklavāsobhir ikṣudaṇḍaphalādikaiḥ / (5.1)
Par.?
dhānyaparvatavaccheṣaṃ vidhānamiha paṭhyate // (5.2)
Par.?
adhivāsanapūrvaṃ ca tadvaddhomasurārcanam / (6.1) Par.?
prabhātāyāṃ tu śarvaryāṃ gurave taṃ nivedayet / (6.2)
Par.?
viṣkambhaparvatāṃstadvadṛtvigbhyaḥ śāntamānasaḥ // (6.3)
Par.?
saṃyogādghṛtamutpannaṃ yasmādamṛtatejasoḥ / (7.1)
Par.?
tasmāddhṛtārcirviśvātmā prīyatāmatra śaṃkaraḥ // (7.2)
Par.?
yasmāttejomayaṃ brahma ghṛte tadviddhyavasthitam / (8.1)
Par.?
ghṛtaparvatarūpeṇa tasmāttvaṃ pāhi no'niśam // (8.2)
Par.?
anena vidhinā dadyādghṛtācalamanuttamam / (9.1)
Par.?
mahāpātakayukto'pi lokamāpnoti śāṃkaram // (9.2)
Par.?
haṃsasārasayuktena kiṅkiṇījālamālinā / (10.1)
Par.?
vimānenāpsarobhiśca siddhavidyādharair vṛtaḥ / (10.2)
Par.?
viharetpitṛbhiḥ sārdhaṃ yāvadābhūtasaṃplavam // (10.3)
Par.?
Duration=0.092622041702271 secs.