Texts

sanatkumāra uvāca / (1.1) Par.?

adhunā sampravakṣyāmi tilaparvatamuttamam / (1.2) Par.?

pūrvoktasthānakāle tu kṛtvā sampūjya yatnataḥ // (1.3) Par.?

susame bhūtale ramye vedinā ca vivarjite / (2.1) Par.?

daśatālapramāṇena daṇḍaṃ saṃsthāpya vai mune // (2.2) Par.?

adbhiḥ saṃprokṣya paścāddhi tilāṃstvasminvinikṣipet / (3.1) Par.?

pañcagavyena taṃ deśaṃ prokṣayedbrāhmaṇottamaḥ // (3.2) Par.?

maṇḍalaṃ kalpayedvidvānpūrvavatsusamantataḥ / (4.1) Par.?

navavastraiśca saṃsthāpya ramyapuṣpairvikīrya ca // (4.2) Par.?

tasminsaṃcayanaṃ kāryaṃ tilabhārairviśeṣataḥ / (5.1) Par.?

daṇḍaprādeśamutsedhamuttamaṃ parikīrtitam // (5.2) Par.?

caturaṅgulahīnaṃ tu madhyamaṃ munipuṅgavāḥ / (6.1) Par.?

daṇḍatulyaṃ kaniṣṭhaṃ syāddaṇḍahīnaṃ na kārayet // (6.2) Par.?

veṣṭayitvā navairvastraiḥ paritaḥ pūjayetkramāt / (7.1) Par.?

sadyādīni pravinyasya pūjayedvidhipūrvakam // (7.2) Par.?

aṣṭadikṣu ca kartavyāḥ pūrvoktā mūrtayaḥ kramāt / (8.1) Par.?

triniṣkena suvarṇena pratyekaṃ kārayetkramāt // (8.2) Par.?

dakṣiṇā vidhinā kāryā tulābhāravadeva tu / (9.1) Par.?

homaśca pūrvavat prokto yathāvanmunisattamāḥ // (9.2) Par.?

arcayeddevadeveśaṃ lokapālasamāvṛtam / (10.1) Par.?

tilaparvatamadhyasthaṃ tilaparvatarūpiṇam // (10.2) Par.?

śivārcanā ca kartavyā sahasrakalaśādibhiḥ / (11.1) Par.?

darśayettilamadhyasthaṃ devadevamumāpatim // (11.2) Par.?

pūjayitvā vidhānena krameṇa ca visarjayet / (12.1) Par.?

śrotriyāya daridrāya dāpayettilaparvatam // (12.2) Par.?

evaṃ tilanagaḥ proktaḥ sarvasmādadhikaḥ paraḥ // (13.1) Par.?

iti śrīliṅgamahāpurāṇe uttarabhāge tilaparvatadānaṃ nāma triṃśo 'dhyāyaḥ // (14.1) Par.?