Texts

virājaṃ ca svarājaṃ cābhiṣṭīr yā ca no gṛhe / (1.1) Par.?

lakṣmī rāṣṭrasya yā mukhe tayā mā saṃsṛjāmasīti kuṇḍale pratiharate dakṣiṇe karṇe dakṣiṇaṃ savye savyam // (1.2) Par.?

ṛtubhiṣṭvārtavair āyuṣe varcase / (2.1) Par.?

saṃvatsarasya dhāyasā tena sannanugṛhṇāsīti kuṇḍale saṃgṛhṇīte // (2.2) Par.?

iyamoṣadhe trāyamāṇā sahamānā sahasvatī / (3.1) Par.?

sā mā hiraṇyavarcasaṃ karotu pūruṣu priyaṃ brahmavarcasinaṃ mā karotv apāśo 'sīti grīvāyāṃ maṇiṃ pratimuñcate // (3.2) Par.?

śubhike śubhamāroha śobhayantī mukhaṃ mama / (4.1) Par.?

mukhaṃ ca mama śobhaya bhūyāṃsaṃ ca bhagaṃ kuru / (4.2) Par.?

yāmāharajjamadagniḥ śraddhāyai kāmāyāsyai / (4.3) Par.?

imāṃ tāṃ pratimuñce 'haṃ bhagena saha varcasā / (4.4) Par.?

iti dvābhyāṃ srajaṃ pratimuñcate // (4.5) Par.?

yadāñjanaṃ traikakudaṃ jātaṃ himavata upari / (5.1) Par.?

tena vām āñje 'haṃ bhagena saha varcasā / (5.2) Par.?

mayi parvatapūruṣam / (5.3) Par.?

iti traikakudenāñjanenāṅkte tasminn avidyamāne yenaiva kenacit // (5.4) Par.?

yanme manaḥ parāgatam / (6.1) Par.?

ityādarśe 'vekṣate // (6.2) Par.?

devasya tvā / (7.1) Par.?

iti vaiṇavaṃ daṇḍaṃ pratigṛhya / (7.2) Par.?

indrasya vajro 'sy aśvinau mā pātam / (7.3) Par.?

iti trirūrdhvamunmārṣṭi // (7.4) Par.?

vega vejayāsmad dviṣatas taskarān sarīsṛpāñchvāpadān rakṣāṃsi piśācān pauruṣeyād bhayānno daṇḍa rakṣa viśvasmād bhayād rakṣa sarvato jahi taskarān / (8.1) Par.?

anagnaḥ sarvavṛkṣeṣu jāyase tvaṃ sapatnahā / (8.2) Par.?

jahi śatrugaṇānsarvānsamantaṃ maghavāniva / (8.3) Par.?

iti triḥ pradakṣiṇamuparyupari śiraḥ pratiharate // (8.4) Par.?

pratiṣṭhe stho devate mā mā saṃtāptam / (9.1) Par.?

ityupānahāv adhyavarohati // (9.2) Par.?

prajāpateḥ śaraṇamasi brahmaṇaśchadiḥ / (10.1) Par.?

iti chattraṃ pratigṛhṇāti // (10.2) Par.?

yo me daṇḍaḥ parāpatad vihāyaso 'dhi bhūmyām / (11.1) Par.?

imaṃ taṃ punarādadeyamāyuṣe ca balāya ca / (11.2) Par.?

iti daṇḍaṃ punarādatte yadyasya hastāt patati // (11.3) Par.?