Texts

tulyanyāyatvaprasaṅgāt sarveṣāṃ rogāṇāṃ sarvadoṣajatvam āha naikadoṣā iti // (1) Par.?

rogā naikadoṣāḥ sarve'pi rogāḥ sarvadoṣodbhavāḥ // (2) Par.?

kutaḥ tata eva hetoḥ rogāṇāmapi bhūtasaṃghātasambhavāt // (3) Par.?

bhūtasaṃghātasya tu triṣu doṣeṣu vibhaktatvāt // (4) Par.?

yathoktaṃ saṃgrahe / (5.1) Par.?

vāyvākāśadhātubhyāṃ vāyuḥ āgneyaṃ pittam ambhaḥpṛthivībhyāṃ śleṣmā // (5.2) Par.?

iti // (6) Par.?

bhūtasaṃghātaṃ vinā na doṣasaṃghātaḥ taṃ vinā na rogotpattir iti ataḥ sarve rogāstridoṣajāḥ // (7) Par.?

kecit tu sarvadravyāṇāṃ sarvarasatvena sarvadoṣasāmānyāt sarvadoṣakopanatvam tato rogā naikadoṣā iti vyācakṣate // (8) Par.?

tad asat // (9) Par.?

sāmānyavad vaiparītyasyāpi sattvāt // (10) Par.?

sāmānyaṃ prayojakamiti cen na doṣaghnadravyabhedābhāvaprasaṅgāt // (11) Par.?

vaiparītyamapi kvacit prayojakam iti cen na sarvadoṣakopanatvaniyamavyāghātāt // (12) Par.?

sarvadoṣakopanānāṃ niyama iti cen na dvyekadoṣakopanadravyābhāvaprasaṅgāt // (13) Par.?

bāhulyenaivaṃ vyapadeśa iti cen na dvidoṣakopanaikaśamanadviśamanaikakopanadravyābhāvaprasaṅgāt // (14) Par.?

siddhānte'pi sarveṣāṃ sarvadharmatvasvīkārānna doṣaghnādivibhāga iti cet na tasya tasya dharmasya tatra tatra prayojakatvāt // (15) Par.?

tathā ca vakṣyati / (16.1) Par.?

kiṃcid rasena kurute karma pākena cāparam / (16.2) Par.?

guṇāntareṇa vīryeṇa prabhāveṇaiva kiṃcana // (16.3) Par.?

ityādi // (17) Par.?

tasmāt pūrvam eva vyākhyānaṃ yuktam // (18) Par.?

sarveṣāṃ sarvadharmatvādaviśeṣe prāpte tannirāsārthaṃ dharmatāratamyam āha tatra vyakta iti // (19) Par.?

tatra dravye kaściddharmaḥ sadyo vyaktaḥ kaścidavyaktaḥ kaścid īṣad vyaktaḥ kaścidante vyaktaḥ // (20) Par.?

teṣvādyo rasākhyaḥ itare trayo 'nurasākhyāḥ // (21) Par.?