Texts

viṣavatā daṣṭam adbhir abhyukṣan japen mā bhaiṣīriti // (1) Par.?

snātakaḥ saṃviśan vaiṇavaṃ daṇḍamupanidadhyāt tura gopāyeti svastyayanam // (2) Par.?

hatasta iti krimivantaṃ deśam adbhir abhyukṣan japet // (3) Par.?

paśūnāṃ ced aparāhne sītāloṣṭamāhṛtya tasya prātaḥ pāṃsubhiḥ pratiṣkiran japet // (4) Par.?

madhuparkaṃ pratigṛhīṣyann idamahamimāmiti pratitiṣṭhan japet // (5) Par.?

arhayatsu vā // (6) Par.?

viṣṭarapādyārghyācamanīyamadhuparkāṇāmekaikaṃ trirvedayante // (7) Par.?

gāṃ ca // (8) Par.?

udañcaṃ viṣṭaramāstīrya yā oṣadhīr ityadhyāsīta // (9) Par.?

pādayordvitīyayā dvau cet // (10) Par.?

apaḥ paśyet yato devīriti // (11) Par.?

savyaṃ pādamavasiñcet savyamiti // (12) Par.?

dakṣiṇaṃ dakṣiṇamiti // (13) Par.?

ubhau śeṣeṇa // (14) Par.?

annasya rāṣṭrirasīty arghyaṃ pratigṛhṇīyāt // (15) Par.?

yaśo 'sīty ācamanīyam // (16) Par.?

yaśaso yaśo 'sīti madhuparkam // (17) Par.?

triḥ pibed yaśaso mahasaḥ śriyā iti // (18) Par.?

tūṣṇīṃ caturtham // (19) Par.?

bhūyo 'pipāya brāhmaṇāyocchiṣṭaṃ dadyāt // (20) Par.?

gāṃ veditāmanumantrayeta muñca gām ity amuṣya cety arhayitur nāma brūyāt // (21) Par.?

evam ayajñe // (22) Par.?

kuruteti yajñe // (23) Par.?

ācārya ṛtvik snātako rājā vivāhyaḥ priya iti ṣaḍarghyāḥ // (24) Par.?

pratisaṃvatsarān arhayet // (25) Par.?

punaryajñavivāhayośca punaryajñavivāhayośca // (26) Par.?