UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5860
- Click on a sentence to show its analysis
- Keep the mouse pointer over a lemma to show its meanings.
prativiṣayeṣu śrotrādīnāṃ śabdādiviṣayeṣvadhyavasāyo dṛṣṭaṃ pratyakṣam ity arthaḥ / (1.1)
Par.?
trividham anumānam ākhyātam / (1.2)
Par.?
pūrvavaccheṣavat sāmānyatodṛṣṭam ceti / (1.3) Par.?
pūrvam asyāstīti pūrvavad yathā / (1.4)
Par.?
meghonnatyā vṛṣṭim sādhayati pūrvadṛṣṭatvāt / (1.5)
Par.?
śeṣavad yathā / (1.6)
Par.?
samudrād ekam jalapalaṃ lavaṇam āsādya śeṣasyāpy asti lavaṇabhāva iti / (1.7)
Par.?
sāmānyatodṛṣṭaṃ deśād deśāntaraṃ prāptaṃ dṛṣṭaṃ gatimaccandratārakaṃ caitravat / (1.8)
Par.?
yathā caitranāmānam deśād deśāntaraṃ prāptam avalokya gatimān ayam iti tadvaccandratārakam iti / (1.9)
Par.?
tathā puṣpitāmradarśanād anyatra puṣpitā āmrā iti sāmānyatodṛṣṭena sādhayati / (1.10)
Par.?
etat sāmānyatodṛṣṭam / (1.11)
Par.?
kiṃca talliṅgaliṅgipūrvakam iti / (1.12)
Par.?
tad anumānaṃ liṅgapūrvakaṃ yatra liṅgena liṅgyanumīyate yathā daṇḍena yatiḥ / (1.13)
Par.?
liṅgipūrvakaṃ ca yatra liṅginā liṅgam anumīyate / (1.14)
Par.?
yathā dṛṣṭvā yatim asyedam tridaṇḍam iti / (1.15)
Par.?
āptaśrutir āptavacanam ca / (1.16)
Par.?
āptā ācāryā brahmādayaḥ / (1.17)
Par.?
śrutir vedaḥ / (1.18)
Par.?
āptāś ca śrutiś cāptaśrutistad uktam āptavacanam iti / (1.19)
Par.?
evaṃ trividhaṃ pramāṇam uktaṃ tatra kena pramāṇena kiṃ sādhyam ucyate // (1.20)
Par.?
Duration=0.032987833023071 secs.