Texts

Select a text:
Bibliography

Select a chapter:
(no revisions)

Associated topic(s): Agni

Show parallels Show headlines
Use dependency labeler

Chapter id: 10034

tvam agne vasūṃr iha rudrāṁ ādityāṁ uta / (1.1) Par.?

yajā svadhvaraṃ janam manujātaṃ ghṛtapruṣam // (1.2) Par.?

śruṣṭīvāno hi dāśuṣe devā agne vicetasaḥ / (2.1) Par.?

tān rohidaśva girvaṇas trayastriṃśatam ā vaha // (2.2) Par.?

priyamedhavad atrivaj jātavedo virūpavat / (3.1) Par.?

aṅgirasvan mahivrata praskaṇvasya śrudhī havam // (3.2) Par.?

mahikerava ūtaye priyamedhā ahūṣata / (4.1) Par.?

rājantam adhvarāṇām agniṃ śukreṇa śociṣā // (4.2) Par.?

ghṛtāhavana santyemā u ṣu śrudhī giraḥ / (5.1) Par.?

yābhiḥ kaṇvasya sūnavo havante 'vase tvā // (5.2) Par.?

tvāṃ citraśravastama havante vikṣu jantavaḥ / (6.1) Par.?

śociṣkeśam purupriyāgne havyāya voḍhave // (6.2) Par.?

ni tvā hotāram ṛtvijaṃ dadhire vasuvittamam / (7.1) Par.?

śrutkarṇaṃ saprathastamaṃ viprā agne diviṣṭiṣu // (7.2) Par.?

ā tvā viprā acucyavuḥ sutasomā abhi prayaḥ / (8.1) Par.?

bṛhad bhā bibhrato havir agne martāya dāśuṣe // (8.2) Par.?

prātaryāvṇaḥ sahaskṛta somapeyāya santya / (9.1) Par.?

ihādya daivyaṃ janam barhir ā sādayā vaso // (9.2) Par.?

arvāñcaṃ daivyaṃ janam agne yakṣva sahūtibhiḥ / (10.1) Par.?

ayaṃ somaḥ sudānavas tam pāta tiroahnyam // (10.2) Par.?

Duration=0.036732912063599 secs.