Texts

uto hi vāṃ dātrā santi pūrvā yā pūrubhyas trasadasyur nitośe / (1.1) Par.?

kṣetrāsāṃ dadathur urvarāsāṃ ghanaṃ dasyubhyo abhibhūtim ugram // (1.2) Par.?

uta vājinam puruniṣṣidhvānaṃ dadhikrām u dadathur viśvakṛṣṭim / (2.1) Par.?

ṛjipyaṃ śyenam pruṣitapsum āśuṃ carkṛtyam aryo nṛpatiṃ na śūram // (2.2) Par.?

yaṃ sīm anu pravateva dravantaṃ viśvaḥ pūrur madati harṣamāṇaḥ / (3.1) Par.?

paḍbhir gṛdhyantam medhayuṃ na śūraṃ rathaturaṃ vātam iva dhrajantam // (3.2) Par.?

yaḥ smārundhāno gadhyā samatsu sanutaraś carati goṣu gacchan / (4.1) Par.?

āvirṛjīko vidathā nicikyat tiro aratim pary āpa āyoḥ // (4.2) Par.?

uta smainaṃ vastramathiṃ na tāyum anu krośanti kṣitayo bhareṣu / (5.1) Par.?

nīcāyamānaṃ jasuriṃ na śyenaṃ śravaś cācchā paśumac ca yūtham // (5.2) Par.?

uta smāsu prathamaḥ sariṣyan ni veveti śreṇibhī rathānām / (6.1) Par.?

srajaṃ kṛṇvāno janyo na śubhvā reṇuṃ rerihat kiraṇaṃ dadaśvān // (6.2) Par.?

uta sya vājī sahurir ṛtāvā śuśrūṣamāṇas tanvā samarye / (7.1) Par.?

turaṃ yatīṣu turayann ṛjipyo 'dhi bhruvoḥ kirate reṇum ṛñjan // (7.2) Par.?

uta smāsya tanyator iva dyor ṛghāyato abhiyujo bhayante / (8.1) Par.?

yadā sahasram abhi ṣīm ayodhīd durvartuḥ smā bhavati bhīma ṛñjan // (8.2) Par.?

uta smāsya panayanti janā jūtiṃ kṛṣṭipro abhibhūtim āśoḥ / (9.1) Par.?

utainam āhuḥ samithe viyantaḥ parā dadhikrā asarat sahasraiḥ // (9.2) Par.?

ā dadhikrāḥ śavasā pañca kṛṣṭīḥ sūrya iva jyotiṣāpas tatāna / (10.1) Par.?

sahasrasāḥ śatasā vājy arvā pṛṇaktu madhvā sam imā vacāṃsi // (10.2) Par.?