Texts

tvām iddhi havāmahe sātā vājasya kāravaḥ / (1.1) Par.?

tvāṃ vṛtreṣv indra satpatiṃ naras tvāṃ kāṣṭhāsv arvataḥ // (1.2) Par.?

sa tvaṃ naś citra vajrahasta dhṛṣṇuyā maha stavāno adrivaḥ / (2.1) Par.?

gām aśvaṃ rathyam indra saṃ kira satrā vājaṃ na jigyuṣe // (2.2) Par.?

yaḥ satrāhā vicarṣaṇir indraṃ taṃ hūmahe vayam / (3.1) Par.?

sahasramuṣka tuvinṛmṇa satpate bhavā samatsu no vṛdhe // (3.2) Par.?

bādhase janān vṛṣabheva manyunā ghṛṣau mīﾱha ṛcīṣama / (4.1) Par.?

asmākam bodhy avitā mahādhane tanūṣv apsu sūrye // (4.2) Par.?

indra jyeṣṭhaṃ na ā bharaṃ ojiṣṭham papuri śravaḥ / (5.1) Par.?

yeneme citra vajrahasta rodasī obhe suśipra prāḥ // (5.2) Par.?

tvām ugram avase carṣaṇīsahaṃ rājan deveṣu hūmahe / (6.1) Par.?

viśvā su no vithurā pibdanā vaso 'mitrān suṣahān kṛdhi // (6.2) Par.?

yad indra nāhuṣīṣv āṃ ojo nṛmṇaṃ ca kṛṣṭiṣu / (7.1) Par.?

yad vā pañca kṣitīnāṃ dyumnam ā bhara satrā viśvāni pauṃsyā // (7.2) Par.?

yad vā tṛkṣau maghavan druhyāv ā jane yat pūrau kac ca vṛṣṇyam / (8.1) Par.?

asmabhyaṃ tad rirīhi saṃ nṛṣāhye 'mitrān pṛtsu turvaṇe // (8.2) Par.?

indra tridhātu śaraṇaṃ trivarūthaṃ svastimat / (9.1) Par.?

chardir yaccha maghavadbhyaś ca mahyaṃ ca yāvayā didyum ebhyaḥ // (9.2) Par.?

ye gavyatā manasā śatrum ādabhur abhipraghnanti dhṛṣṇuyā / (10.1) Par.?

adha smā no maghavann indra girvaṇas tanūpā antamo bhava // (10.2) Par.?

adha smā no vṛdhe bhavendra nāyam avā yudhi / (11.1) Par.?

yad antarikṣe patayanti parṇino didyavas tigmamūrdhānaḥ // (11.2) Par.?

yatra śūrāsas tanvo vitanvate priyā śarma pitṝṇām / (12.1) Par.?

adha smā yaccha tanve tane ca chardir acittaṃ yāvaya dveṣaḥ // (12.2) Par.?

yad indra sarge arvataś codayāse mahādhane / (13.1) Par.?

asamane adhvani vṛjine pathi śyenāṁ iva śravasyataḥ // (13.2) Par.?

sindhūṃr iva pravaṇa āśuyā yato yadi klośam anu ṣvaṇi / (14.1) Par.?

ā ye vayo na varvṛtaty āmiṣi gṛbhītā bāhvor gavi // (14.2) Par.?