UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 10771
- Click on a sentence to show its analysis
- Keep the mouse pointer over a lemma to show its meanings.
pra nu vocā suteṣu vāṃ vīryā yāni cakrathuḥ / (1.1)
Par.?
hatāso vām pitaro devaśatrava indrāgnī jīvatho yuvam // (1.2)
Par.?
baᄆ itthā mahimā vām indrāgnī paniṣṭha ā / (2.1)
Par.?
samāno vāṃ janitā bhrātarā yuvaṃ yamāv ihehamātarā // (2.2)
Par.?
okivāṃsā sute sacāṃ aśvā saptī ivādane / (3.1) Par.?
indrā nv agnī avaseha vajriṇā vayaṃ devā havāmahe // (3.2)
Par.?
ya indrāgnī suteṣu vāṃ stavat teṣv ṛtāvṛdhā / (4.1)
Par.?
joṣavākaṃ vadataḥ pajrahoṣiṇā na devā bhasathaś cana // (4.2)
Par.?
indrāgnī ko asya vāṃ devau martaś ciketati / (5.1)
Par.?
viṣūco aśvān yuyujāna īyata ekaḥ samāna ā rathe // (5.2)
Par.?
indrāgnī apād iyam pūrvāgāt padvatībhyaḥ / (6.1)
Par.?
hitvī śiro jihvayā vāvadac carat triṃśat padā ny akramīt // (6.2)
Par.?
indrāgnī ā hi tanvate naro dhanvāni bāhvoḥ / (7.1)
Par.?
mā no asmin mahādhane parā varktaṃ gaviṣṭiṣu // (7.2)
Par.?
indrāgnī tapanti māghā aryo arātayaḥ / (8.1)
Par.?
apa dveṣāṃsy ā kṛtaṃ yuyutaṃ sūryād adhi // (8.2)
Par.?
indrāgnī yuvor api vasu divyāni pārthivā / (9.1)
Par.?
ā na iha pra yacchataṃ rayiṃ viśvāyupoṣasam // (9.2)
Par.?
indrāgnī ukthavāhasā stomebhir havanaśrutā / (10.1)
Par.?
viśvābhir gīrbhir ā gatam asya somasya pītaye // (10.2)
Par.?
Duration=0.066193819046021 secs.