Texts

indrāvaruṇā yuvam adhvarāya no viśe janāya mahi śarma yacchatam / (1.1) Par.?

dīrghaprayajyum ati yo vanuṣyati vayaṃ jayema pṛtanāsu dūḍhyaḥ // (1.2) Par.?

samrāﾱ anyaḥ svarāﾱ anya ucyate vām mahāntāv indrāvaruṇā mahāvasū / (2.1) Par.?

viśve devāsaḥ parame vyomani saṃ vām ojo vṛṣaṇā sam balaṃ dadhuḥ // (2.2) Par.?

anv apāṃ khāny atṛntam ojasā sūryam airayataṃ divi prabhum / (3.1) Par.?

indrāvaruṇā made asya māyino 'pinvatam apitaḥ pinvataṃ dhiyaḥ // (3.2) Par.?

yuvām id yutsu pṛtanāsu vahnayo yuvāṃ kṣemasya prasave mitajñavaḥ / (4.1) Par.?

īśānā vasva ubhayasya kārava indrāvaruṇā suhavā havāmahe // (4.2) Par.?

indrāvaruṇā yad imāni cakrathur viśvā jātāni bhuvanasya majmanā / (5.1) Par.?

kṣemeṇa mitro varuṇaṃ duvasyati marudbhir ugraḥ śubham anya īyate // (5.2) Par.?

mahe śulkāya varuṇasya nu tviṣa ojo mimāte dhruvam asya yat svam / (6.1) Par.?

ajāmim anyaḥ śnathayantam ātirad dabhrebhir anyaḥ pra vṛṇoti bhūyasaḥ // (6.2) Par.?

na tam aṃho na duritāni martyam indrāvaruṇā na tapaḥ kutaś cana / (7.1) Par.?

yasya devā gacchatho vītho adhvaraṃ na tam martasya naśate parihvṛtiḥ // (7.2) Par.?

arvāṅ narā daivyenāvasā gataṃ śṛṇutaṃ havaṃ yadi me jujoṣathaḥ / (8.1) Par.?

yuvor hi sakhyam uta vā yad āpyam mārḍīkam indrāvaruṇā ni yacchatam // (8.2) Par.?

asmākam indrāvaruṇā bhare bhare puroyodhā bhavataṃ kṛṣṭyojasā / (9.1) Par.?

yad vāṃ havanta ubhaye adha spṛdhi naras tokasya tanayasya sātiṣu // (9.2) Par.?

asme indro varuṇo mitro aryamā dyumnaṃ yacchantu mahi śarma saprathaḥ / (10.1) Par.?

avadhraṃ jyotir aditer ṛtāvṛdho devasya ślokaṃ savitur manāmahe // (10.2) Par.?