Texts

pra devam acchā madhumanta indavo 'siṣyadanta gāva ā na dhenavaḥ / (1.1) Par.?

barhiṣado vacanāvanta ūdhabhiḥ parisrutam usriyā nirṇijaṃ dhire // (1.2) Par.?

sa roruvad abhi pūrvā acikradad upāruhaḥ śrathayan svādate hariḥ / (2.1) Par.?

tiraḥ pavitram pariyann uru jrayo ni śaryāṇi dadhate deva ā varam // (2.2) Par.?

vi yo mame yamyā saṃyatī madaḥ sākaṃvṛdhā payasā pinvad akṣitā / (3.1) Par.?

mahī apāre rajasī vivevidad abhivrajann akṣitam pāja ā dade // (3.2) Par.?

sa mātarā vicaran vājayann apaḥ pra medhiraḥ svadhayā pinvate padam / (4.1) Par.?

aṃśur yavena pipiśe yato nṛbhiḥ saṃ jāmibhir nasate rakṣate śiraḥ // (4.2) Par.?

saṃ dakṣeṇa manasā jāyate kavir ṛtasya garbho nihito yamā paraḥ / (5.1) Par.?

yūnā ha santā prathamaṃ vi jajñatur guhā hitaṃ janima nemam udyatam // (5.2) Par.?

mandrasya rūpaṃ vividur manīṣiṇaḥ śyeno yad andho abharat parāvataḥ / (6.1) Par.?

tam marjayanta suvṛdhaṃ nadīṣv āṃ uśantam aṃśum pariyantam ṛgmiyam // (6.2) Par.?

tvām mṛjanti daśa yoṣaṇaḥ sutaṃ soma ṛṣibhir matibhir dhītibhir hitam / (7.1) Par.?

avyo vārebhir uta devahūtibhir nṛbhir yato vājam ā darṣi sātaye // (7.2) Par.?

pariprayantaṃ vayyaṃ suṣaṃsadaṃ somam manīṣā abhy anūṣata stubhaḥ / (8.1) Par.?

yo dhārayā madhumāṁ ūrmiṇā diva iyarti vācaṃ rayiṣāﾱ amartyaḥ // (8.2) Par.?

ayaṃ diva iyarti viśvam ā rajaḥ somaḥ punānaḥ kalaśeṣu sīdati / (9.1) Par.?

adbhir gobhir mṛjyate adribhiḥ sutaḥ punāna indur varivo vidat priyam // (9.2) Par.?

evā naḥ soma pariṣicyamāno vayo dadhac citratamam pavasva / (10.1) Par.?

adveṣe dyāvāpṛthivī huvema devā dhatta rayim asme suvīram // (10.2) Par.?