Texts

pavasva madhumattama indrāya soma kratuvittamo madaḥ / (1.1) Par.?

mahi dyukṣatamo madaḥ // (1.2) Par.?

yasya te pītvā vṛṣabho vṛṣāyate 'sya pītā svarvidaḥ / (2.1) Par.?

sa supraketo abhy akramīd iṣo 'cchā vājaṃ naitaśaḥ // (2.2) Par.?

tvaṃ hy aṅga daivyā pavamāna janimāni dyumattamaḥ / (3.1) Par.?

amṛtatvāya ghoṣayaḥ // (3.2) Par.?

yenā navagvo dadhyaṅṅ aporṇute yena viprāsa āpire / (4.1) Par.?

devānāṃ sumne amṛtasya cāruṇo yena śravāṃsy ānaśuḥ // (4.2) Par.?

eṣa sya dhārayā suto 'vyo vārebhiḥ pavate madintamaḥ / (5.1) Par.?

krīﾱann ūrmir apām iva // (5.2) Par.?

ya usriyā apyā antar aśmano nir gā akṛntad ojasā / (6.1) Par.?

abhi vrajaṃ tatniṣe gavyam aśvyaṃ varmīva dhṛṣṇav ā ruja // (6.2) Par.?

ā sotā pari ṣiñcatāśvaṃ na stomam apturaṃ rajasturam / (7.1) Par.?

vanakrakṣam udaprutam // (7.2) Par.?

sahasradhāraṃ vṛṣabham payovṛdham priyaṃ devāya janmane / (8.1) Par.?

ṛtena ya ṛtajāto vivāvṛdhe rājā deva ṛtam bṛhat // (8.2) Par.?

abhi dyumnam bṛhad yaśa iṣas pate didīhi deva devayuḥ / (9.1) Par.?

vi kośam madhyamaṃ yuva // (9.2) Par.?

ā vacyasva sudakṣa camvoḥ suto viśāṃ vahnir na viśpatiḥ / (10.1) Par.?

vṛṣṭiṃ divaḥ pavasva rītim apāṃ jinvā gaviṣṭaye dhiyaḥ // (10.2) Par.?

etam u tyam madacyutaṃ sahasradhāraṃ vṛṣabhaṃ divo duhuḥ / (11.1) Par.?

viśvā vasūni bibhratam // (11.2) Par.?

vṛṣā vi jajñe janayann amartyaḥ pratapañ jyotiṣā tamaḥ / (12.1) Par.?

sa suṣṭutaḥ kavibhir nirṇijaṃ dadhe tridhātv asya daṃsasā // (12.2) Par.?

sa sunve yo vasūnāṃ yo rāyām ānetā ya iﾱānām / (13.1) Par.?

somo yaḥ sukṣitīnām // (13.2) Par.?

yasya na indraḥ pibād yasya maruto yasya vāryamaṇā bhagaḥ / (14.1) Par.?

ā yena mitrāvaruṇā karāmaha endram avase mahe // (14.2) Par.?

indrāya soma pātave nṛbhir yataḥ svāyudho madintamaḥ / (15.1) Par.?

pavasva madhumattamaḥ // (15.2) Par.?

indrasya hārdi somadhānam ā viśa samudram iva sindhavaḥ / (16.1) Par.?

juṣṭo mitrāya varuṇāya vāyave divo viṣṭambha uttamaḥ // (16.2) Par.?