UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 10514
- Click on a sentence to show its analysis
- Keep the mouse pointer over a lemma to show its meanings.
ya ātmadā baladā yasya viśva upāsate praśiṣaṃ yasya devāḥ / (1.1)
Par.?
yo 'syeśe dvipado yaś catuṣpadaḥ kasmai devāya haviṣā vidhema // (1.2)
Par.?
yaḥ prāṇato nimiṣato mahitvaiko rājā jagato babhūva / (2.1)
Par.?
yasya chāyāmṛtaṃ yasya mṛtyuḥ kasmai devāya haviṣā vidhema // (2.2)
Par.?
yaṃ krandasī avataś caskabhāne bhiyasāne rodasī ahvayethām / (3.1)
Par.?
yasyāsau panthā rajaso vimānaḥ kasmai devāya haviṣā vidhema // (3.2)
Par.?
yasya dyaur urvī pṛthivī ca mahī yasyāda urv antarikṣam / (4.1)
Par.?
yasyāsau sūro vitato mahitvā kasmai devāya haviṣā vidhema // (4.2)
Par.?
yasya viśve himavanto mahitvā samudre yasya rasām id āhuḥ / (5.1)
Par.?
imāś ca pradiśo yasya bāhū kasmai devāya haviṣā vidhema // (5.2) Par.?
āpo agre viśvam āvan garbhaṃ dadhānā amṛtā ṛtajñāḥ / (6.1)
Par.?
yāsu devīṣv adhi deva āsīt kasmai devāya haviṣā vidhema // (6.2)
Par.?
hiraṇyagarbhaḥ sam avartatāgre bhūtasya jātaḥ patir eka āsīt / (7.1)
Par.?
sa dādhāra pṛthivīm uta dyāṃ kasmai devāya haviṣā vidhema // (7.2)
Par.?
āpo vatsaṃ janayantīr garbham agre sam airayan / (8.1)
Par.?
tasyota jāyamānasyolba āsīddhiraṇyayaḥ kasmai devāya haviṣā vidhema // (8.2)
Par.?
Duration=0.027215003967285 secs.