Texts

vāg eṣā yat pṛṣṭhāni // (1) Par.?

tām etāṃ viprayuñjate // (2) Par.?

tāṃ viharanti // (3) Par.?

sā prathamam ahaḥ prāpya rathantaraṃ bhavati // (4) Par.?

iyam eva pṛthivī // (5) Par.?

vāg vai rathantaram // (6) Par.?

saiṣāvadati // (7) Par.?

sā dvitīyam ahaḥ prāpya bṛhatī bhavati yām imāṃ śreṣṭhī vācaṃ vadatīty avocad iti // (8) Par.?

sā hi dūrācchrūyate // (9) Par.?

sā tṛtīyam ahaḥ prāpya vairūpā bhavati yad idaṃ tiryag vāca ehi prehy āharopāharāśaya pāyayeti // (10) Par.?

sā caturtham ahaḥ prāpya virāḍ bhavati // (11) Par.?

tūṣṇīṃ niṣadyam // (12) Par.?

etaddha vai vairājyaṃ vāco yat tūṣṇīṃ niṣadyaṃ yām imāṃ śreṣṭhinas tūṣṇīm āsīnasyaiva jijñāsante // (13) Par.?

sā pañcamam ahaḥ prāpya śakvarī bhavati yayā praśiṣṭaḥ śaknoti // (14) Par.?

sā ṣaṣṭham ahaḥ prāpya revatī bhavati yayānnādyaṃ pradīyate // (15) Par.?

sā na māsi māsy āttavyā // (16) Par.?

lelibhasyaitad ājānaṃ yām imāṃ lelibhā vācaṃ vadanti // (17) Par.?

imāṃ vā ayaṃ hyo 'vadad imāṃ pūrvedyur imāṃ pūrvasamām // (18) Par.?

samānīṃ bata vācaṃ vadati na batainaṃ paryetīti // (19) Par.?

evaṃ tad yan māsi māsi pṛṣṭhāny upayanti // (20) Par.?