UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 15484
- Click on a sentence to show its analysis
- Keep the mouse pointer over a lemma to show its meanings.
devā vā asurān yudham upaprayanto 'bruvan yan no vāmaṃ vasu tad apanidhāya yudhyāmahai yad adya kasmiṃścid bhūte 'bhyavadhāvāmeti // (1)
Par.?
paśavo vāva teṣāṃ vāmaṃ vasv āsīt // (2)
Par.?
tad apanidhāya yudham upaparāyan // (3)
Par.?
te devā asurān ajayan // (4)
Par.?
te vijigyānāḥ punar āyanta ekaṃ bhūtam abhyavāyan // (5)
Par.?
tan na vyajānatedaṃ mama vāmam idaṃ mameti // (6)
Par.?
te 'bruvan vīdaṃ bhajāmahā iti // (7)
Par.?
tasya vibhāge na samapādayan // (8)
Par.?
te 'bruvan prajāpatāv eva pṛcchāmahā iti // (9)
Par.?
te prajāpatāv apṛcchanta // (10)
Par.?
sa prajāpatir abravīt sarveṣām eva va etad vāmaṃ saha sarvān va etena stoṣyanti sarvān va etad avaiṣyati mā vibhagdhvam iti // (11)
Par.?
tad yad gāyatrīṣu stuvanti tenāgneyam // (12)
Par.?
gāyatro hy agniḥ // (13)
Par.?
taṃ yat pṛṣṭhaṃ mādhyaṃdinaṃ tenaindram // (14)
Par.?
yat kavatīṣu stuvanti tena prājāpatyam // (15)
Par.?
yad aniruktaṃ tena vaiśvadevam // (16)
Par.?
yan maitrāvaruṇāya stuvanti tena maitrāvaruṇam // (17)
Par.?
tad vā etat paśava eva yad vāmadevyam // (18)
Par.?
anejann udgāyet paśūnām aparāvāpāya // (19)
Par.?
yad ejann udgāyet paśūn parāvapet // (20)
Par.?
tad āhuḥ prāvṛto 'nejann udgāyen nen mopadraṣṭānuvyāharād iti // (21)
Par.?
tad upakāryarūpam // (22) Par.?
prāvṛta evānejann udgāyet // (23)
Par.?
Duration=0.038963079452515 secs.