Texts

athādhvaryo śaṃśaṃsāvom iti stotriyāyānurūpāyokthamukhāya paridhānīyāyā iti catuścaturāhvayante // (1) Par.?

catasro vai diśaḥ // (2) Par.?

dikṣu tat pratitiṣṭhante // (3) Par.?

atho catuṣpādaḥ paśavaḥ // (4) Par.?

paśūnām āptyai // (5) Par.?

atho catuṣparvāṇo hi tṛtīyasavane hotrakāḥ // (6) Par.?

tasmāc catuḥ // (7) Par.?

sarve traiṣṭubhaṃ jāgatāni śaṃsanti // (8) Par.?

jāgataṃ hi tṛtīyasavanam // (9) Par.?

atha haitat traiṣṭubhāni // (10) Par.?

apratibhūtam iva hi prātaḥsavane marutvatīye tṛtīyasavane ca hotrakāṇāṃ śastram // (11) Par.?

dhītarasaṃ vā etat savanaṃ yat tṛtīyasavanam // (12) Par.?

atha haitad adhītarasaṃ śukriyaṃ chando yat triṣṭub ayātayāma // (13) Par.?

savanasyaiva tat sarasatāyai // (14) Par.?

sarve samavatībhiḥ paridadhati // (15) Par.?

tad yat samavatībhiḥ paridadhaty anto vai paryāso 'nta udarko 'ntaḥ sajāyā u ha vā avaināya // (16) Par.?

antenaivāntaṃ paridadhati // (17) Par.?

sarve madvatībhir yajanti // (18) Par.?

tad yan madvatībhiryajanti sarve sutavatībhiḥ pītavatībhir abhirūpābhir yajanti // (19) Par.?

yad yajñe 'bhirūpaṃ tat samṛddham // (20) Par.?

sarve 'nuvaṣaṭkurvanti // (21) Par.?

sviṣṭakṛtvānuvaṣaṭkāraḥ // (22) Par.?

net sviṣṭakṛta antarayāmeti // (23) Par.?

asau vai lokas tṛtīyasavanam // (24) Par.?

tasya pañca diśaḥ // (25) Par.?

pañcokthāni tṛtīyasavanasya // (26) Par.?

sa etaiḥ pañcabhir ukthair etāḥ pañca diśa āpnoti // (27) Par.?

tad yad eṣāṃ lokānāṃ rūpaṃ yā mātrā tena rūpeṇa tayā mātrayemāṃllokān ṛdhnotīmāṃllokān ṛdhnotīti // (28) Par.?