Texts

āpo vā idam agre mahat salilam āsīt / (1.1) Par.?

sa ūrmir ūrmim askandat / (1.2) Par.?

tato hiraṇmayau kukṣyau samabhavatāṃ te evarksāme // (1.3) Par.?

seyam ṛg idaṃ sāmābhyaplavata / (2.1) Par.?

tām apṛcchat kā tvam asīti / (2.2) Par.?

sāham asmīty abravīt / (2.3) Par.?

atha vā aham amo 'smīti / (2.4) Par.?

tad yat sā cāmaś ca tat sāmnaḥ sāmatvam // (2.5) Par.?

tau vai saṃbhavāveti / (3.1) Par.?

nety abravīt svasā vai mama tvam asi / (3.2) Par.?

anyatra mithunam icchasveti // (3.3) Par.?

sā parāplavata mithunam icchamānā / (4.1) Par.?

sā samāḥ sahasraṃ saptatīḥ paryaplavata // (4.2) Par.?

tad eṣa ślokaḥ / (5.1) Par.?

strī smaivāgre saṃcaratīcchantī salile patim / (5.2) Par.?

samāḥ sahasraṃ saptatīs tato 'jāyata paśyata iti // (5.3) Par.?

asau vā ādityaḥ paśyataḥ / (6.1) Par.?

eṣa eva tad ajāyata / (6.2) Par.?

etena hi paśyati // (6.3) Par.?

sāvittvā nyaplavata / (7.1) Par.?

sābravīn na vai taṃ vindāmi yena sambhaveyam / (7.2) Par.?

tvayaiva saṃbhavānīti // (7.3) Par.?

sā vai dvitīyām icchasvety abravīn na vai maikodyaṃsyasīti / (8.1) Par.?

sā dvitīyāṃ vittvā nyaplavata // (8.2) Par.?

tṛtīyām icchasvaivety abravīn no vāva mā dve udyaṃsyatha iti / (9.1) Par.?

sā tṛtīyāṃ vittvā nyaplavata / (9.2) Par.?

so 'bravīd atra vai modyaṃsyatheti // (9.3) Par.?

sa yad ekayāgre samavadata tasmād ekarce sāma / (10.1) Par.?

atha yad dve apāsedhat tasmād dvayor na kurvanti / (10.2) Par.?

atha yat tisṛbhiḥ samapādayat tasmād u tṛce sāma // (10.3) Par.?

tā abravīt punīdhvaṃ na pūtā vai stheti // (11.1) Par.?