Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 14601
  • Click on a sentence to show its analysis
  • Keep the mouse pointer over a lemma to show its meanings.
aṅgirasāṃ tvā devānāṃ vratenādadha iti // (1) Par.?
brāhmaṇenādheyaḥ // (2) Par.?
ye vai devānām aṅgirasas te brāhmaṇasya pratyenaso 'gnir vāyur vāg bṛhaspatiḥ // (3) Par.?
tatobandhur asya yajñas tataāyanaḥ // (4) Par.?
yatobandhur evāsya yajño yataāyanaḥ // (5) Par.?
tata enaṃ pratīcchati // (6) Par.?
indrasya tvā marutvato vratenādadha iti // (7) Par.?
rājanyenādheyaḥ // (8) Par.?
ye vai devānāṃ rājānas te rājanyasya pratyenasa indro varuṇo dhātā tvaṣṭā // (9) Par.?
tatobandhur asya yajñas tataāyanaḥ // (10) Par.?
yatobandhur evāsya yajño yataāyanaḥ // (11) Par.?
tata enaṃ pratīcchati // (12) Par.?
manos tvā grāmaṇyo vratenādadha iti // (13) Par.?
vaiśyenādheyaḥ // (14) Par.?
maruto vai devānāṃ viśas te vaiśyasya pratyenasaḥ // (15) Par.?
tatobandhur asya yajñas tataāyanaḥ // (16) Par.?
yatobandhur evāsya yajño yataāyanaḥ // (17) Par.?
tata enaṃ pratīcchati // (18) Par.?
iḍā vai manā āsīt // (19) Par.?
sāsurān agnim ādadhānān agacchat // (20) Par.?
ta āhavanīyam agra ādadhata // (21) Par.?
atha gārhapatyam // (22) Par.?
athaudanapacanam // (23) Par.?
tān abravīt // (24) Par.?
āptvā śriyaṃ pratyavārukṣan // (25) Par.?
puṇyā bhaviṣyanti // (26) Par.?
parā tu bhaviṣyantīti // (27) Par.?
sā devān agnim ādadhānān agacchat // (28) Par.?
ta odanapacanam agra ādadhata // (29) Par.?
atha gārhapatyam // (30) Par.?
athāhavanīyam // (31) Par.?
tān abravīt // (32) Par.?
āpañ chriyam // (33) Par.?
vīmaṃ lokam achindan // (34) Par.?
puṇyā bhaviṣyanti // (35) Par.?
prajā tv eṣāṃ na bhaviṣyatīti // (36) Par.?
seḍaiva manor ādadhāt // (37) Par.?
sābravīt // (38) Par.?
tathā te 'gnim ādhāsyāmi yathā manuṣyā devān upa prajaniṣyanta iti // (39) Par.?
sā gārhapatyam agra ādadhāt // (40) Par.?
athaudanapacanam // (41) Par.?
athāhavanīyam // (42) Par.?
anayor lokayor vyavagṛhītyai // (43) Par.?
tato manuṣyā devān upa prājāyanta // (44) Par.?
prajananāyaivam ādheyaḥ // (45) Par.?
atho anayor eva lokayor vyavagṛhītyai // (46) Par.?
prajāpatir vai yad agre vyāharat sa satyam eva vyāharat // (47) Par.?
etad vāva sa trir vyāharat // (48) Par.?
bhūr bhuvas svar iti // (49) Par.?
etad vai vācas satyam // (50) Par.?
yad eva vācas satyaṃ tenādhatte // (51) Par.?
bhūṣṇu vai satyam // (52) Par.?
ya evaṃ vidvān etenādhatte bhavaty eva // (53) Par.?
ayaṃ vā aparo bhūr asau pūrvo bhuvaḥ // (54) Par.?
bhūr bhuvar iti // (55) Par.?
apara ādheyaḥ // (56) Par.?
satyasyānanugatyai // (57) Par.?
bhūr bhuvas svar iti // (58) Par.?
pūrvaḥ // (59) Par.?
tat puras sarvam āpyate // (60) Par.?
vāg vai devatāṃ niravadata // (61) Par.?
niruditadevatā hi vai vāk // (62) Par.?
atha tat sarvaṃ na satyaṃ yad vācā śapate yat prāśūr bhavati // (63) Par.?
yāṃ vai tāṃ vāg devatāṃ niravadataiṣā vāva sā yad etā vyāhṛtayaḥ // (64) Par.?
etad vai vācas sadevam // (65) Par.?
yad eva vācas sadevaṃ tenādhatte // (66) Par.?
ayaṃ vā aparo bhūr asau pūrvo bhuvaḥ // (67) Par.?
bhūr bhuvar iti // (68) Par.?
apara ādheyaḥ // (69) Par.?
ubhā evainau sahādhatte // (70) Par.?
eṣa hy etasya yoniḥ // (71) Par.?
etasmāddhy eṣo 'dhisṛjyate // (72) Par.?
ayaṃ vāvāgnir yo 'yam antaragni // (73) Par.?
yo 'sau pūrvo 'sā ādityaḥ // (74) Par.?
eṣa yo 'sā amuṣmād adhisṛjyate // (75) Par.?
yad dvitīyaṃ jyotis tad eva tat // (76) Par.?
bhūr bhuvas svar iti // (77) Par.?
pūrva ādheyaḥ // (78) Par.?
ubhā evainau sahādhatte // (79) Par.?
eṣa hy etasya yoniḥ // (80) Par.?
etasmāddhy eṣo 'dhi prahriyate // (81) Par.?
yo 'sā amuṣmād adhi prahriyate yat tṛtīyaṃ jyotis tad eva tenāpyate // (82) Par.?
asau vāvaiṣa ādityaḥ pratyaṅṅ ādhīyate // (83) Par.?
tasmād eṣa sarvāḥ prajāḥ pratyaṅ // (84) Par.?
agninā vai devā annam adanti // (85) Par.?
pratyag vā annam adyate // (86) Par.?
yat pratyaṅṅ ādhīyate // (87) Par.?
annādyāya // (88) Par.?
prāco vai devān prajāpatir asṛjatāpāco 'surān // (89) Par.?
so 'surān brahmaṇāpānudata // (90) Par.?
agnir brahma // (91) Par.?
yat pratyaṅṅ ādhīyate // (92) Par.?
bhrātṛvyasyāpanuttyai // (93) Par.?
imam ardham agninā pariyantīmam ardham upacaranti // (94) Par.?
devānām evārdhaṃ pariyanti devānām ardham upacaranti // (95) Par.?
imāṃ diśam abhyāvṛtya juhoti // (96) Par.?
etasyāṃ vai devā diśi // (97) Par.?
yasyām eva devā diśi tāṃ diśam abhyāvṛtya juhoti // (98) Par.?
Duration=0.23425698280334 secs.