Texts

khādirīm āsandīṃ rajjūtāṃ vyāghracarmadeśe nidadhāti syonāsīti // (1) Par.?

adhīvāsam asyām āstṛṇāti kṣatrasya yonir iti // (2) Par.?

sunvantam asyām upaveśayati syonām āsīdeti // (3) Par.?

niṣasādety uro 'syālabhate // (4) Par.?

abhibhūr ity asmai pañcākṣān pāṇāv ādhāya paścād enaṃ yajñiyavṛkṣadaṇḍaiḥ śanais tūṣṇīṃ ghnanti // (5) Par.?

pāpmānaṃ te 'pahanmo 'ti tvā badhaṃ nayāmīti vā // (6) Par.?

varaṃ vṛtvā brahmann ity āmantrayate pañcakṛtvaḥ // (7) Par.?

pratyāha vyatyāsaṃ savitā varuṇa indro rudra iti tvaṃ brahmāsītyādibhiḥ // (8) Par.?

ādinaivāntyam // (9) Par.?

bahukāreti ca hvayaty evaṃnāmānam // (10) Par.?

sphyam asmai prayacchati purohito 'dhvaryur vendrasya vajra iti // (11) Par.?

rājā rājabhrātā sūtasthapatyor anyataro grāmaṇīḥ sajātaś caivaṃ pūrvaḥ pūrva uttarasmai // (12) Par.?

prattena sajātaḥ pratiprasthātā ca pūrvāgnisahitāṃ śukrapurorucā dyūtabhūmiṃ kurutaḥ // (13) Par.?

manthino vimitam // (14) Par.?

dyūtabhūmau hiraṇyaṃ nidhāyābhijuhoti caturgṛhītenāgniḥ pṛthur iti // (15) Par.?

akṣān nivapati svāhākṛtā iti // (16) Par.?

gāṃ dīvyadhvam ity āha // (17) Par.?

kṛtādi vā nidadhyād rājaprabhṛtibhyaḥ // (18) Par.?

sajātāya kalim // (19) Par.?

gām asyānīya ghnanti // (20) Par.?

pūrvāgnivāho dakṣiṇā // (21) Par.?

payasyāsviṣṭakṛdiḍaṃ karoti // (22) Par.?

māhendrādi ca // (23) Par.?

avaruhya gacchati stotrāya prahitaḥ // (24) Par.?

avabhṛtham ekena tārpyādīni cet udaity ekena // (25) Par.?

dīkṣitavasanaṃ ca prāsyati // (26) Par.?

anūbandhyavapāhomānte dadyād enāni // (27) Par.?

udavasānīyāyāṃ vā // (28) Par.?

traidhātavy udavasānīyā // (29) Par.?

aindrāvaiṣṇavo dvādaśakapālo vrīhiyavāṇām // (30) Par.?

tṛtīyaṃ yavānāṃ madhye // (31) Par.?

adhiśrayaṇaṃ ca // (32) Par.?

tisrastisro dakṣiṇā dadāti śatamānāni brahmaṇe dhenūr hotre vāsāṃsy adhvaryave gām agnīdhe // (33) Par.?

bhaiṣajyābhicārayor apy eṣā // (34) Par.?