Texts

ṛtavyā upadadhāty ṛtūnāṃ kﾱptyai // (1) Par.?

dvaṃdvam upadadhāti // (2) Par.?

tasmād dvaṃdvam ṛtavaḥ // (3) Par.?

adhṛteva vā eṣā yan madhyamā citiḥ // (4) Par.?

antarikṣam iva vā eṣā // (5) Par.?

dvaṃdvam anyāsu citīṣūpadadhāti catasro madhye dhṛtyai // (6) Par.?

antaḥśleṣaṇaṃ vā etāś citīnāṃ yad ṛtavyāḥ // (7) Par.?

yad ṛtavyā upadadhāti citīnāṃ vidhṛtyai // (8) Par.?

avakām anūpadadhāti // (9) Par.?

eṣā vā agner yoniḥ // (10) Par.?

sayonim evāgniṃ cinute // (11) Par.?

uvāca ha viśvāmitraḥ // (12) Par.?

adad it sa brahmaṇānnaṃ yasyaitā upadhīyāntai ya u cainā evaṃ vedad iti // (13) Par.?

saṃvatsaro vā etam pratiṣṭhāyai nudate yo 'gniṃ citvā na pratitiṣṭhati // (14) Par.?

pañca pūrvāś citayo bhavanti // (15) Par.?

atha ṣaṣṭhīṃ citiṃ cinute // (16) Par.?

ṣaḍ vā ṛtavaḥ saṃvatsaraḥ // (17) Par.?

ṛtuṣv eva saṃvatsare pratitiṣṭhati // (18) Par.?

etā vā adhipatnīr nāmeṣṭakāḥ // (19) Par.?

yasyaitā upadhīyanta adhipatir eva samānānām bhavati // (20) Par.?

yaṃ dviṣyāt tam upadadhad dhyāyet // (21) Par.?

etābhya evainaṃ devatābhya āvṛścati // (22) Par.?

ārtim ārcchati // (23) Par.?

aṅgirasaḥ suvargaṃ lokaṃ yanto yā yajñasya niṣkṛtir āsīt tām ṛṣibhyaḥ pratyauhan // (24) Par.?

taddhiraṇyam abhavat // (25) Par.?

yaddhiraṇyaśalkaiḥ prokṣati yajñasya niṣkṛtyai // (26) Par.?

atho bheṣajam evāsmai karoti // (27) Par.?

atho rūpeṇaivainaṃ samardhayati // (28) Par.?

atho hiraṇyajyotiṣaiva suvargaṃ lokam eti // (29) Par.?

sāhasravatā prokṣati // (30) Par.?

sāhasraḥ prajāpatiḥ prajāpater āptyai // (31) Par.?

imā me agna iṣṭakā dhenavaḥ santv ity āha // (32) Par.?

dhenūr evaināḥ kurute // (33) Par.?

tā enaṃ kāmadughā amutrāmuṣmiṃ loka upatiṣṭhante // (34) Par.?