Texts

athātho dākṣāyaṇayajñasya // (1) Par.?

dākṣāyaṇayajñenaiṣyan phālgunyāṃ paurṇamāsyāṃ prayuṅkte // (2) Par.?

mukhaṃ vā etat saṃvatsarasya yat phālgunī paurṇamāsī // (3) Par.?

tasmāt tasyām adīkṣitāyanāni prayujyante // (4) Par.?

atho dakṣo ha vai pārvatir etena yajñena iṣṭvā sarvān kāmān āpa // (5) Par.?

tad yad dākṣāyaṇayajñena yajate // (6) Par.?

sarveṣām eva kāmānām āptyai // (7) Par.?

nāśane kāmam āpayīta // (8) Par.?

somaṃ rājānaṃ candramasaṃ bhakṣayānīti manasā dhyāyann aśnīyāt // (9) Par.?

tad asau vai somo rājā vicakṣaṇaścandramāḥ // (10) Par.?

tam etam aparapakṣaṃ devā abhiṣuṇvanti // (11) Par.?

tad yad aparapakṣaṃ dākṣāyaṇayajñasya vratāni caranti // (12) Par.?

devānām api somapītho 'sānīti // (13) Par.?

atha yad upavasathe agnīṣomīyam ekādaśakapālaṃ puroḍāśaṃ nirvapati // (14) Par.?

ya evāsau somasyopavasathe agnīṣomīyaḥ // (15) Par.?

tam evāsya tenāpnoti // (16) Par.?

atha yat prātar āmāvāsyena yajate // (17) Par.?

aindraṃ vai sutyam ahaḥ // (18) Par.?

tat sutyam ahar āpnoti // (19) Par.?

atha yad amāvāsyāyā upavasatha aindrāgnaṃ dvādaśakapālaṃ puroḍāśaṃ nirvapati // (20) Par.?

aindrāgnaṃ vai sāmatas tṛtīyasavanam // (21) Par.?

tat tṛtīyasavanam āpnoti // (22) Par.?

atha yan maitrāvaruṇī payasyā // (23) Par.?

maitrāvaruṇī vā anūbandhyā // (24) Par.?

tad anūbandhyām āpnoti // (25) Par.?

sa eṣa somo haviryajñān anupraviṣṭaḥ // (26) Par.?

tasmād adīkṣito dīkṣitavrato bhavati // (27) Par.?