Texts

atheṣṭikālāḥ // (1) Par.?

sadyo dvādaśāhe māsartau saṃvatsare vā // (2) Par.?

agnaye pavamānāyeṣṭiḥ // (3) Par.?

paurṇamāsīvikāraḥ // (4) Par.?

agna āyūṃṣy agne pavasva // (5) Par.?

taṃ hi śaśvanta īḍate te syāma ye 'gnaya iti sviṣṭakṛtaḥ // (6) Par.?

agnaye ca pāvakāyāgnaye ca śucaye dvitīyā // (7) Par.?

amāvāsyāvikāraḥ // (8) Par.?

agne pāvaka sa saḥ pāvaka // (9) Par.?

agniḥ śucivratatama ud agne śucayaḥ // (10) Par.?

agnim agniṃ havīmabhir agnināgniḥ samidhyata iti sviṣṭakṛtaḥ // (11) Par.?

aditaye tṛtīyā // (12) Par.?

tvam agne saprathāḥ soma yās ta iti sadvantāvājyabhāgau // (13) Par.?

uta tvām adite mahi / (14.1) Par.?

mahīm ū ṣu mātaraṃ suvratānāmṛtasya patnīm avase huvema / (14.2) Par.?

tuvikṣatrām ajarantīm urūcīṃ suśarmāṇam aditiṃ supraṇītim // (14.3) Par.?

preddho 'gna imo 'gna iti virājau sviṣṭakṛtaḥ // (15) Par.?

catasraḥ kurvanto 'gnaye prathamām // (16) Par.?

agne dyumnena upa tvā juhvaḥ // (17) Par.?

arcantas tvāgniṃ stomeneti sviṣṭakṛtaḥ // (18) Par.?