Texts

sukiṃśukaṃ rukmaprastaraṇam iti yānam ārohayati // (1) Par.?

emaṃ panthāṃ brahmāparam ity agrato brahmā prapadyate // (2) Par.?

mā vidann anṛkṣarā adhvānam ity uktam // (3) Par.?

yedaṃ pūrveti tenānyasyām ūḍhāyāṃ vādhūyasya daśāṃ catuṣpathe dakṣiṇair abhitiṣṭhati // (4) Par.?

sa ced ubhayoḥ śubhakāmo bhavati sūryāyai devebhya ity etām ṛcaṃ japati // (5) Par.?

sam ṛcchata svapatho 'navayantaḥ suśīmakāmāv ubhe virājāv ubhe suprajasāv ity atikramayato 'ntarā brahmāṇam // (6) Par.?

ya ṛte cid abhiśriṣa iti yānaṃ samprokṣya viniṣkārayati // (7) Par.?

sā mandasāneti tīrthe logaṃ pravidhyati // (8) Par.?

idaṃ su ma iti mahāvṛkṣeṣu japati // (9) Par.?

sumaṅgalīr iti vadhvīkṣīḥ prati japati // (10) Par.?

yā oṣadhaya iti mantrokteṣu // (11) Par.?

ye pitara iti śmaśāneṣu // (12) Par.?

pra budhyasveti suptāṃ prabodhayet // (13) Par.?

saṃkāśayāmīti gṛhasaṃkāśe japati // (14) Par.?

ud va ūrmir iti yānaṃ samprokṣya vimocayati // (15) Par.?

uttiṣṭheta iti patnī śālāṃ samprokṣati // (16) Par.?

syonam iti dakṣiṇato valīkānāṃ śakṛtpiṇḍe 'śmānaṃ nidadhāti // (17) Par.?

tasyopari madhyamapalāśe sarpiṣi catvāri dūrvāgrāṇi // (18) Par.?

tam ā tiṣṭhety āsthāpya // (19) Par.?

sumaṅgalī prataraṇīha priyaṃ mā hiṃsiṣṭaṃ brahmāparam iti pratyṛcaṃ prapādayati // (20) Par.?

suhṛtpūrṇakaṃsena pratipādayati // (21) Par.?

aghoracakṣur ity agniṃ triḥ pariṇayati // (22) Par.?

yadā gārhapatyaṃ sūryāyai devebhya iti mantroktebhyo namaskurvatīm anumantrayate // (23) Par.?