Texts

Help

Select a text:
Bibliography

Select a chapter:
(no revisions)

Associated topic(s): Pashupata Shaivism

Show parallels Show headlines
Use dependency labeler

Chapter id: 677

Click on a sentence to show its analysis
Keep the mouse pointer over a lemma to show its meanings.

atra kudānāni gobhūhiraṇyasuvarṇādīni // (1) Par.?

kasmāt // (2) Par.?

anaikāntikānātyantikasātiśayaphalatvāt kupathādhvapravādāc ca // (3) Par.?

tasmādatra atiśabdo viśeṣaṇam // (4) Par.?

atidānaṃ cātmapradānam // (5) Par.?

kasmāt // (6) Par.?

ātmanaḥ dātṛtvād bhūyo dānaprayojanābhāvāt // (7) Par.?

sthānaśarīrendriyaviṣayādyaprāpakatvāt // (8) Par.?

aikāntikātyantikarudrasamīpaprāpter ekāntenaivānāvṛttiphalatvād asādhāraṇaphalatvāc cātmapradānam atidānam // (9) Par.?

tathā kuyajanāny agniṣṭomādīni // (10) Par.?

kasmāt // (11) Par.?

saṃgrahapratigrahahiṃsādiyuktena śraveṇābhinirvṛttidarśanāt pattrīrātrijadevatādisādhāraṇaphalatvād anityasātiśayasaṃkīrṇaphalatvāc ca kuyajanāny agniṣṭomādīni // (12) Par.?

tasmād atrātiśabdo viśeṣaṇam // (13) Par.?

atiyajanaṃ nāma yadāyatane loke vā // (14) Par.?

tatrāyatane snānahasitādyā loke ca krāthanaspandanādyā vidhikriyā // (15) Par.?

kasmāt // (16) Par.?

saṃgrahapratigrahahiṃsādirahitena krameṇa svaśarīrasamutthābhiḥ kāyikavācikamānasikābhirijyate yasmāt // (17) Par.?

ataścetyucyate atiyajanam // (18) Par.?

āha kiṃ dānaṃ yajanaṃ ca sādhanadvayam evātrātiśabdena viśiṣṭaṃ kartavyamiti // (19) Par.?

ucyate na // (20) Par.?

yasmādāha // (21) Par.?

Duration=0.034559965133667 secs.