Texts
Select a text:
Bibliography
Bibliography
Select a chapter:
1 revision
Show parallels Show headlines
Use dependency labeler
1 revision
Show parallels Show headlines
Use dependency labeler
Chapter id: 12739
- Click on a sentence to show its analysis
- Keep the mouse pointer over a lemma to show its meanings.
athaitasyai śākhāyai parṇāni pracchidyāgreṇa gārhapatyaṃ nivapati // (1.1) Par.?
athainām adhastāt parivāsya jaghanena gārhapatyaṃ sthavimad upaveṣāya nidadhāti // (2.1) Par.?
athāsyāḥ prādeśamātraṃ pramāya darbhanāḍīḥ praveṣṭya tat trivṛc chākhāpavitraṃ karoti trivṛt palāśe darbha iyān prādeśasaṃmitaḥ / (3.1) Par.?
yajñe pavitraṃ potṛtamam payo havyaṃ karotu me iti // (3.2) Par.?
atha sāyaṃ hute 'gnihotra uttareṇa gārhapatyaṃ tṛṇāni saṃstīrya teṣu catuṣṭayaṃ saṃsādayati dohanaṃ pavitraṃ sāṃnāyyatapanyau sthālyāv iti // (4.1) Par.?
athaināny adbhiḥ prokṣati śundhadhvaṃ daivyāya karmaṇe devayajyāyā iti triḥ // (5.1) Par.?
atha jaghanena gārhapatyam upaviśyopaveṣeṇodīco 'ṅgārān nirūhati mātariśvano gharmo 'sīti // (6.1) Par.?
teṣu sāṃnāyyatapanīm adhiśrayati dyaur asi pṛthivy asi viśvadhāyā asi parameṇa dhāmnā dṛṃhasva mā hvār iti // (7.1) Par.?
tasyāṃ prācīnāgraṃ śākhāpavitraṃ nidadhāti vasūnāṃ pavitram asi śatadhāraṃ vasūnāṃ pavitram asi sahasradhāram iti // (8.1) Par.?
tad anvārabhya vācaṃyama āste // (9.1) Par.?
atha gā āyatīḥ pratīkṣata etā ācaranti madhumad duhānāḥ prajāvatīr yaśaso viśvarūpāḥ / (10.1) Par.?
bahvīr bhavantīr upajāyamānā iha va indro ramayatu gāva iti mahendra iti vā yadi mahendrayājī bhavati // (10.2) Par.?
athāha upasṛṣṭāṃ me prabrūtād iti // (11.1) Par.?
upasṛṣṭāṃ prāhuḥ // (12.1) Par.?
dohyamānām anumantrayate huta stoko huto drapsaḥ 'gnaye bṛhate nākāya svāhā dyāvāpṛthivībhyām iti // (13.1) Par.?
atha purastāt pratyag ānayantaṃ pṛcchati kām adhukṣa iti // (14.1) Par.?
amūm itītaraḥ pratyāha // (15.1) Par.?
tām anumantrayate sā viśvāyur iti // (16.1) Par.?
dvitīyam ānayantaṃ pṛcchati kām adhukṣa iti // (17.1) Par.?
amūm ity evetaraḥ pratyāha // (18.1) Par.?
tām anumantrayate sā viśvavyacā iti // (19.1) Par.?
tṛtīyam ānayantaṃ pṛcchati kām adhukṣa iti // (20.1) Par.?
amūm ity evetaraḥ pratyāha // (21.1) Par.?
tām anumantrayate sā viśvakarmeti // (22.1) Par.?
tisṛṣu dugdhāsu vācaṃ visṛjate bahu dugdhīndrāya devebhyo havyam āpyāyatāṃ punaḥ / (23.1) Par.?
vatsebhyo manuṣyebhyaḥ punardohāya kalpatām iti mahendrāyeti vā yadi mahendrayājī bhavati // (23.2) Par.?
visṛṣṭavāg ananvārabhya tūṣṇīm uttarā dohayitvā // (24.1) Par.?
dohane 'pa ānīya saṃkṣālanam ānayati saṃpṛcyadhvam ṛtāvarīr ūrmiṇīr madhumattamā mandrā dhanasya sātaya iti // (25.1) Par.?
athainat taptvodag udvāsya śītīkṛtvā tiraḥ pavitraṃ dadhnātanakti somena tvā tanacmīndrāya dadhīti mahendrāyeti vā yadi mahendrayājī bhavati // (26.1) Par.?
yāvatā mūrchayiṣyan manyate tāvad ānayati // (27.1) Par.?
agnihotroccheṣaṇam abhyātanakti yajñasya saṃtatir asi yajñasya tvā saṃtatim anusaṃtanomīti // (28.1) Par.?
athainad udanvatā kaṃsena vā camasena vāpidadhāti adastam asi viṣṇave tvā yajñāyāpidadhāmy aham / (29.1) Par.?
adbhir ariktena pātreṇa yāḥ pūtāḥ pariśerata iti // (29.2) Par.?
tad uparīva nidadhāti yatra guptaṃ manyate viṣṇo havyaṃ rakṣasveti // (30.1) Par.?
etasmin kāle darbhaiḥ prātardohāya vatsān apākaroti tūṣṇīm // (31.1) Par.?
Duration=0.096594095230103 secs.