Texts

Help

Select a text:
Bibliography

Select a chapter:
1 revision

Associated topic(s): twelve-day Soma rite, dvādaśāha

Show parallels Show headlines
Use dependency labeler

Chapter id: 13391

Click on a sentence to show its analysis
Keep the mouse pointer over a lemma to show its meanings.

govit pavasva vasuviddhiraṇyavid iti pañcamasyāhnaḥ pratipad bhavati // (1) Par.?

govid vā etad vasuviddhiraṇyavid yacchakvaryaḥ // (2) Par.?

paśavaś śakvaryaḥ sarvaṃ paśubhir vindate // (3) Par.?

tvaṃ suvīro asi soma viśvavid ityeṣa vāva suvīro yasya paśavas tad eva tad abhivadati // (4) Par.?

tās te kṣarantu madhumad ghṛtaṃ paya iti madhumad vai ghṛtaṃ payaḥ paśavaḥ kṣaranti tad eva tad abhivadati // (5) Par.?

pavamānasya viśvavid ity anurūpo bhavati // (6) Par.?

viśvam eva tad vittam abhivadati viśvaṃ hi paśubhir vindate // (7) Par.?

pra te sargā asṛkṣateti sṛṣṭānīva hyetarhyahāni // (8) Par.?

pūrvam u caiva tad rūpam apareṇa rūpeṇānuvadati yat pūrvaṃ rūpeṇānuvadati tad anurūpasyānurūpatvam anurūpa enaṃ putro jāyate ya evaṃ veda stotrīyānurūpau tṛcau bhavataḥ prāṇāpānānām avaruddhyai // (9) Par.?

saptarcau bhavataḥ chandasāṃ dhṛtyai // (10) Par.?

caturṛco bhavati pratiṣṭhāyai // (11) Par.?

tṛca uttamo bhavati yenaiva prāṇena prayanti tam abhyudyanti // (12) Par.?

triṇava eva stomo bhavati pratiṣṭhāyai puṣṭyai trivṛd vā eṣa puṣṭaḥ // (13) Par.?

Duration=0.035572052001953 secs.