Texts
Select a text:
Bibliography
Bibliography
Select a chapter:
1 revision
Show parallels Show headlines
Use dependency labeler
1 revision
Associated topic(s): Prajāpati creates the world, agnihotra
Show parallels Show headlines
Use dependency labeler
Chapter id: 14500
- Click on a sentence to show its analysis
- Keep the mouse pointer over a lemma to show its meanings.
prajāpatir vā idam āsīt // (1) Par.?
tasmād agnir adhyasṛjyata // (2) Par.?
so 'sya mūrdhna ūrdhva udadravat // (3) Par.?
tasya yal lohitam āsīt tad apāmṛṣṭa // (4) Par.?
tad bhūmyāṃ nyamārṭ // (5) Par.?
tata udumbaro 'jāyata // (6) Par.?
tasmāt sa lohitaṃ pacyate // (7) Par.?
sa prāṅ prādravat // (8) Par.?
taṃ svā vāg aiṭṭa juhudhīti // (9) Par.?
sa itaḥ paryamṛṣṭa // (10) Par.?
tat svāhety ajuhot // (11) Par.?
tasmād eṣaivam āhutiḥ // (12) Par.?
svā hy enaṃ vāg aiṭṭa // (13) Par.?
tasmān na lalāṭe lomāsti na pāṇyoḥ // (14) Par.?
tasmād aratnimātrī srug bhavati // (15) Par.?
cakṣur vāva sa tat svam ajuhot // (16) Par.?
amum evādityam // (17) Par.?
agnau jyotir jyotir agnā iti // (18) Par.?
jyotir eva jyotiṣy ajuhot // (19) Par.?
brahmājuhot satyam ajuhot // (20) Par.?
amum eva tad ādityam ajuhot // (21) Par.?
eṣa hy evāgnihotram // (22) Par.?
śvaś śvo vasīyān bhavati yasyaivam agnihotraṃ hūyate // (23) Par.?
na vai purāhorātre āstām // (24) Par.?
te etayāhutyobhe sahāsṛjyetām // (25) Par.?
yat sāyaṃ juhoti // (26) Par.?
tena bhrātṛvyāya parācīṃ vivāsayati // (27) Par.?
yat prātaḥ // (28) Par.?
tenātmane pratīcīm // (29) Par.?
agner vai guptyā agnihotraṃ hūyate // (30) Par.?
yat sāyaṃ juhoti tenainaṃ rātryai ramayati // (31) Par.?
yat prātas tenāhne // (32) Par.?
eṣā vā agnā āhutiḥ prathamā hutā yad agnihotram // (33) Par.?
tasmād agnau sarvā āhutayo hūyante // (34) Par.?
athaiṣaivāgnihotram ucyate // (35) Par.?
agnihotraṃ ha vai nāma // (36) Par.?
nāsmād anyas samāneṣu vasīyān bhavati yasyaivam agnihotraṃ hūyate // (37) Par.?
Duration=0.15891695022583 secs.