Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): cūḍākaraṇa
Show parallels Show headlines
Use dependency labeler
Chapter id: 14609
- Click on a sentence to show its analysis
- Keep the mouse pointer over a lemma to show its meanings.
tṛtīyasya varṣasya bhūyiṣṭhagate cūḍāḥ kārayate // (1.1) Par.?
dakṣiṇataḥ kapujā vasiṣṭhānām // (2.1) Par.?
ubhayato 'trikaśyapānām // (3.1) Par.?
muṇḍā bhṛgavaḥ // (4.1) Par.?
pañcacūḍā aṅgirasaḥ // (5.1) Par.?
vājim eke // (6.1) Par.?
maṅgalārthaṃ śikhino 'nye // (7.1) Par.?
yathākuladharmaṃ vā // (8.1) Par.?
śuddhapakṣasya puṇyāhe parvaṇi vā yathoktam upasamādhāya jayaprabhṛtibhir hutvā / (9.1) Par.?
āyam agāt savitā kṣureṇoṣṇena vāya udakena ehi / (9.2) Par.?
ādityā rudrā vasavaḥ sacetasaḥ somasya rājño vapata pracetasa ity uṣṇā apo 'bhimantrayate // (9.3) Par.?
uṣṇāś ca śītāś ca sametya sarvā bṛhaspatiḥ savitā satyadharmā tad anumanyatām / (10.1) Par.?
ārdradānava ity abhyundet / (10.2) Par.?
ārdradānavaḥ stha jīvadānavaḥ sthondatīr ihainam avatāpa undantu jīvase dīrghāyutvāya varcasa iti // (10.3) Par.?
dakṣiṇe keśānta oṣadhe trāyasveti darbham antardhāya svadhita iti kṣureṇābhinidhāya yenāvapat savitā kṣureṇa somasya rājño varuṇasya vidvān / (11.1) Par.?
tena brahmāṇo vapatedam adyāyuṣmāñ jaradaṣṭir yathāsad ayam asau / (11.2) Par.?
yena dhātā bṛhaspater agner indrasya cāyuṣe 'vapat / (11.3) Par.?
tenāsyāyuṣe vapa suślokyāya svastaye / (11.4) Par.?
yena pūṣā prajāpater agneḥ sūryasya cāyuṣe 'vapat / (11.5) Par.?
tenāsyāyuṣe vapa suślokyāya svastaye / (11.6) Par.?
yena bhūyaś ca rātrī jyok paśyā ca sūryam / (11.7) Par.?
tenāsyāyuṣe vapa suślokyāya svastaya iti pradakṣiṇaṃ pratidiśaṃ pratimantraṃ darbhakṣurakarma // (11.8) Par.?
yat kṣureṇa vartayatā supeśasā vaptar vapasi keśān / (12.1) Par.?
śunddhi śiro māsyāyuḥ pramoṣīr iti lauhāyasaṃ kṣuraṃ keśavāpāya prayacchati // (12.2) Par.?
mā te keśān anugāt teja etat tathā dhātā dadhātu te / (13.1) Par.?
tubhyam indro bṛhaspatiḥ savitā varca ādadhur iti prapatato 'numantrayate // (13.2) Par.?
suhṛtparigrāhyān upyamānān haritagomaye samavacinoti // (14.1) Par.?
uptvāya rājño varuṇasya keśān somo dhātā savitā viṣṇur agniḥ / (15.1) Par.?
tebhyo nidhānaṃ bahudhānvavindann antarā dyāvāpṛthivī avasyur iti prāgudīcīṃ hriyamāṇān anumantrayate // (15.2) Par.?
arikte paryāśreṣayata iti śrutiḥ // (16.1) Par.?
kartre varaṃ dadāti // (17.1) Par.?
pakṣmaguṇaṃ tilapeśalaṃ keśavāpāya prayacchati // (18.1) Par.?
sarpiṣmad annaṃ brāhmaṇān bhojayet // (19.1) Par.?
Duration=0.079639911651611 secs.