Texts

Help

Select a text:
Bibliography
Select a chapter:
 (no revisions)
Associated topic(s): karman doctrine, āśrama

Show parallels  Show headlines
Use dependency labeler
Chapter id: 14835
  • Click on a sentence to show its analysis
  • Keep the mouse pointer over a lemma to show its meanings.
athāpy asya prajātim amṛtam āmnāya āha / (1.1) Par.?
prajām anu prajāyase tad u te martyāmṛtam iti // (1.2) Par.?
athāpi sa evāyaṃ virūḍhaḥ pṛthak pratyakṣeṇopalabhyate dṛśyate cāpi sārūpyaṃ dehatvam evānyat // (2) Par.?
te śiṣṭeṣu karmasu vartamānāḥ pūrveṣāṃ sāṃparāyeṇa kīrtiṃ svargaṃ ca vardhayanti // (3) Par.?
evam avaro 'varaḥ pareṣām // (4) Par.?
ā bhūtasaṃplavāt te svargajitaḥ // (5) Par.?
punaḥsarge bījārthā bhavantīti bhaviṣyatpurāṇe // (6) Par.?
athāpi prajāpater vacanam // (7) Par.?
trayīṃ vidyāṃ brahmacaryaṃ prajātiṃ śraddhāṃ tapo yajñam anupradānam / (8.1) Par.?
ya etāni kurvate tair it saha smo rajo bhūtvā dhvaṃsate 'nyat praśaṃsann iti // (8.2) Par.?
tatra ye pāpakṛtas ta eva dhvaṃsanti yathā parṇaṃ vanaspater na parān hiṃsanti // (9) Par.?
nāsyāsmiṃlloke karmabhiḥ saṃbandho vidyate tathā parasmin karmaphalaiḥ // (10) Par.?
tad etena veditavyam // (11) Par.?
prajāpater ṛṣīṇām iti sargo 'yam // (12) Par.?
tatra ye puṇyakṛtas teṣāṃ prakṛtayaḥ parā jvalantya upalabhyante // (13) Par.?
syāt tu karmāvayavena tapasā vā kaścit saśarīro 'ntavantaṃ lokaṃ jayati saṃkalpasiddhiś ca syān na tu taj jyaiṣṭhyam āśramāṇām // (14) Par.?
Duration=0.088793039321899 secs.