Texts

samidhaṃ prasthānīyām anumantrayeta deva savitar etat te yajñaṃ prāhur bṛhaspataye brahmaṇe tena yajñam ava tena yajñapatiṃ tena mām ava / (1.1) Par.?

mano jyotir juṣatām ājyasya bṛhaspatir yajñam imaṃ tanotvariṣṭaṃ yajñaṃ sam imaṃ dadhātu viśve devāsa iha mādayantām ity upāṃśu pratiṣṭhety uccair bhūr bhuvaḥ svar bṛhaspatir brahmāhaṃ mānuṣa ityupāṃśv om ity uccaiḥ // (1.2) Par.?

sarvānumantraṇena vā // (2) Par.?

vimuktāsu praṇītāsu samidha ādadhyād yathāvabhṛthād udetya // (3) Par.?

etat sarveṣṭīnāṃ brahmatvam // (4) Par.?

samāne 'hany ekāsane na punar yajuṣopaviśediti śāṇḍilyaḥ // (5) Par.?

agnyādheyeṣṭiṣu prathamāyāṃ yajuṣopaviśed uttamāyāṃ samidha ādadhyāditi gautamaḥ // (6) Par.?

pṛthag iṣṭiṣv iti dhānaṃjayyaḥ // (7) Par.?

cātuṣprāśyaṃ ca prāśnatsu // (8) Par.?

dhenuṃ dadyād brahmaṇe // (9) Par.?

adhvaryave cāgnipadam // (10) Par.?

dhanur hotre vatsatarīr brahmaṇe anaḍuho 'dhvaryave / (11.1) Par.?

sarve trivargāḥ // (11.2) Par.?

paṣṭhauhīm āgnīdhrāya // (12) Par.?

sarvebhyo 'śvarathaṃ kuṇḍale ca // (13) Par.?

evam eva dhenum agnipadaṃ ceti śāṇḍilyaḥ // (14) Par.?

dhenum anaḍvāhaṃ vatsatarīṃ vatsataram ajaṃ pūrṇapātram iti tat prathamāyāmiṣṭau dadyāt // (15) Par.?

tathottarayor anyatrājyapūrṇapātrābhyām // (16) Par.?

varaḥ saptamo dakṣiṇānāṃ trayodaśo vā pañcaviṃśo vā / (17.1) Par.?

etad vājasaneyakam // (17.2) Par.?

agnyādheyāntān kurvate pūrṇāhutim akṣābhihomamiṣṭīriti // (18) Par.?

mithunau dakṣiṇānvārambhaṇīyāyām iṣṭau // (19) Par.?

vājināśvinagharmāṇām ṛtvikṣūpahavam iṣṭvā prāṇabhakṣaṃ bhakṣayet // (20) Par.?

pratyakṣabhakṣaṃ sve yajñe // (21) Par.?

yan me retaḥ prasicyate yad vā me 'pigacchati yad vā jāyate punas tena mā śivam āviśa / (22.1) Par.?

tena mā vājinaṃ kuru tasya te vājipītasyopahūtaḥ / (22.2) Par.?

upahūtasya bhakṣayāmīti / (22.3) Par.?

vājinasyeti / (22.4) Par.?

ṛtūnāṃ tvā vājināṃ vājinaṃ bhakṣayāmīti vobhābhyāṃ vobhābhyāṃ vā // (22.5) Par.?