Texts

hute sviṣṭakṛti yathetaṃ pratyāvrajyopaviśetām // (1) Par.?

prāśitramāhṛtamupaghrāyāpavidhyet // (2) Par.?

ājyaṃ cet prāśitrabhāgān vidhyeyus tad upaghrāyāpa upaspṛśet // (3) Par.?

iḍāṃ ca pratigṛhya pratiprayaccheta // (4) Par.?

adhvaryuṇā pariṣicyamāne vyutkramya pariṣikta āhavanīyamupatiṣṭheran // (5) Par.?

dakṣiṇena dakṣiṇāgnim uttareṇa dakṣiṇāgniṃ sve yajñe // (6) Par.?

akṣannamīmadanta hīti prathamā / (7.1) Par.?

susaṃdṛśaṃ tvā vayaṃ maghavan mandiṣīmahi / (7.2) Par.?

pra nūnaṃ pūrṇavandhuraḥ stuto yāsi vaśāṁ anu yojā nvindra te harī iti dvitīyā / (7.3) Par.?

upo ṣu śṛṇuhī giraḥ iti tṛtīyā // (7.4) Par.?

tata evekṣamāṇā gārhapatyam mano nvā huvāmahe / (8.1) Par.?

nārāśaṃsena somena / (8.2) Par.?

pitṝṇāṃ ca manmabhiḥ / (8.3) Par.?

punarnaḥ pitaro mano dadātu daivyo janaḥ / (8.4) Par.?

jīvaṃ vrataṃ sacemahi / (8.5) Par.?

ā na etu manaḥ punaḥ kratve dakṣāya jīvase / (8.6) Par.?

jyok ca sūryaṃ dṛśeyamiti // (8.7) Par.?

kayā naś citra ābhuvad ity ekayā dakṣiṇāgnim // (9) Par.?

traiyambakā nāmāpūpā bhavanty ekakapālāḥ / (10.1) Par.?

teṣāṃ yam adhvaryur ākhūtkara upavapet tasminn apa upaspṛśeyuḥ śivā naḥ śantamā bhava sumṛḍīkā sarasvati / (10.2) Par.?

mā te vyoma saṃdṛśi / (10.3) Par.?

iti // (10.4) Par.?

āsītetareṣāṃ hūyamāna iti dhānaṃjayyaḥ // (11) Par.?

tiṣṭhediti śāṇḍilyaḥ // (12) Par.?

hute tiṣṭhanto japeyuḥ / (13.1) Par.?

avāmba rudram ayakṣmahy ava devaṃ tryambakam / (13.2) Par.?

yathā naḥ śreyasas karad yathā no vasīyasas karad yathā naḥ paśumatas karad yathā no vyavasāyayāt / (13.3) Par.?

bheṣajamasi bheṣajaṃ gave 'śvāya puruṣāya bheṣajaṃ sugaṃ meṣāya meṣyai subheṣajaṃ yathāsaditi // (13.4) Par.?