Texts

abhyukṣaṇaprabhṛtyata ūrdhvam // (1) Par.?

ādityaṃ nopatiṣṭheran // (2) Par.?

pūrṇāhutau hūyamānāyām āsitvā hutāyāṃ yathārthaṃ syāt // (3) Par.?

saktuhomāṃś cejjuhuyur āsītā teṣāṃ homāt // (4) Par.?

sautrāmaṇyāṃ surākarmasv āvrājam āsīta // (5) Par.?

tatra dvāvagnī atipraṇayanti tayor dakṣiṇata āsīta // (6) Par.?

dakṣiṇam adhyadhi kumbhyām āsaktāyāṃ śatātṛṇṇāyāṃ surāśeṣeṣv āsicyamāneṣūpatiṣṭheran / (7.1) Par.?

yat te pavitram arciṣyagne vitatamantarā / (7.2) Par.?

brahma tena punīhi meti // (7.3) Par.?

aśvinor grahasya bhakṣayed / (8.1) Par.?

yam aśvinā namucer āsurādadhi sarasvatyasunod indriyeṇa / (8.2) Par.?

imaṃ taṃ śukraṃ madhumantam induṃ somaṃ rājānamiha bhakṣayāmīti // (8.3) Par.?

yajamānaṃ ced vasātiśeṣeṇābhiṣiñceyur upotthāyāntareṇāgnī gatvādhvaryuṇoktaḥ saṃśānāni gāyet // (9) Par.?

padāya padāya stobhet // (10) Par.?

nidhanānyupayanto yajamānasya mūrdhānam ālabheran // (11) Par.?

saṃ tvā hinvantītyeteṣāṃ pūrvaḥ pūrvaḥ stobha uttaramuttaraṃ nidhanam // (12) Par.?

śravasa iti sthāne jityā iti kṣatriyasya puṣṭyā iti vaiśyasyetyeke // (13) Par.?

dve sautrāmaṇyau kaukilī carakasautrāmaṇī ca // (14) Par.?

kaukilyāṃ sāmagānaṃ netarasyāṃ saṃśānāni gāyediti ha smāha kautsaḥ // (15) Par.?

sapta haviryajñasya saṃsthā agnyādheyam agnihotraṃ darśapūrṇamāsāvāgrayaṇaṃ cāturmāsyāni nirūḍhapaśubandhaḥ sautrāmaṇī ceti // (16) Par.?

sapta somasaṃsthā agniṣṭomo 'tyagniṣṭoma ukthyaḥ ṣoḍaśī vājapeyo 'tirātro 'ptoryāma ity aptoryāma iti // (17) Par.?