Texts

Help

Select a text:
Bibliography
Select a chapter:
 (no revisions)
Associated topic(s): sautrāmaṇī

Show parallels  Show headlines
Use dependency labeler
Chapter id: 15750
  • Click on a sentence to show its analysis
  • Keep the mouse pointer over a lemma to show its meanings.
atha yadi rājanyo vaiśyo vā nādriyeta dakṣiṇam agniṃ praṇayitum // (1.1) Par.?
svayam etaṃ surāśeṣaṃ vratayann āsīta // (2.1) Par.?
bārhaspatyasya paśupuroḍāśena pracarya paśubhiḥ pracarya puroḍāśaiḥ pracarati // (3.1) Par.?
samānaṃ tu sviṣṭakṛdiḍam // (4.1) Par.?
agnīd aupayajān aṅgārān āharety etadādi pāśukaṃ karma pratipadyate // (5.1) Par.?
hṛdayaśūlair māsareṇa pātraiś cāvabhṛtham avayanti // (6.1) Par.?
māsaram ṛjīṣakalpena pratipādayati // (7.1) Par.?
balkasaṃ māsara ity ācakṣate // (8.1) Par.?
yas te deva varuṇa gāyatracchandāḥ pāśas taṃ ta etenāvayaje svāhety āśvinapātram avabhṛthe pravidhyati / (9.1) Par.?
etenaiva triṣṭupchandā iti sārasvatasya / (9.2) Par.?
jagatīchandā ity aindrasya / (9.3) Par.?
anuṣṭupchandā iti sataṃ vālasrāvaṃ śyenapattraṃ ca / (9.4) Par.?
paṅkticchandā iti śūlān // (9.5) Par.?
tūṣṇīṃ pratyāyanam // (10.1) Par.?
tayā somavāminaṃ somātipavitaṃ rājānam aparudhyamānam aparuddham abhiṣicyamānam abhiṣiṣicānaṃ vā yājayet // (11.1) Par.?
abhicaryamāṇo yajeta / (12.1) Par.?
abhicarann annādyakāmaḥ prajākāmaḥ paśukāmo vā // (12.2) Par.?
sarveṣv abhiṣekeṣv āmnātā // (13.1) Par.?
tayā brāhmaṇo rājanyo vaiśyo vā tejaskāmo yajeta // (14.1) Par.?
Duration=0.55455899238586 secs.