Texts

Help

Select a text:
Bibliography

Select a chapter:
(no revisions)

Associated topic(s): sautrāmaṇī

Show parallels Show headlines
Use dependency labeler

Chapter id: 15766

Click on a sentence to show its analysis
Keep the mouse pointer over a lemma to show its meanings.

athāhutī juhutaḥ / (1.1) Par.?

ye samānā ity adhvaryuḥ / (1.2) Par.?

ye sajātā iti pratiprasthātā // (1.3) Par.?

manotākāle pṛthak pātreṣu paśūnāṃ yūṣāṇi nidadhāti // (2.1) Par.?

purastātsviṣṭakṛtaḥ śṛṅgaśaphair upahomāñ juhoti // (3.1) Par.?

aṣṭāvaṣṭāv ekaikasya kuṣṭhikāśaphāḥ // (4.1) Par.?

āśvinasya yūṣeṇa kuṣṭhikāṃ śaphaṃ ca pūrayitvā sīsena tantram ity aṣṭarcena pratimantraṃ dvābhyāṃ dvābhyāṃ kuṣṭhikāśaphābhyāṃ juhoti // (5.1) Par.?

uttamāyāṃ śṛṅge anuṣajati // (6.1) Par.?

hutvā hutvā sveṣv abhiṣecanapātreṣu saṃpātān avanīyāhavanīye kuṣṭhikāśaphān pravidhyati // (7.1) Par.?

evam uttareṇāṣṭarcena sārasvatasya // (8.1) Par.?

sarveṇānuvākenaindrasya // (9.1) Par.?

audumbary āsandy aratnimātraśīrṣaṇyānūcyā nābhidaghnapādā mauñjavivānā // (10.1) Par.?

mitro 'si varuṇo 'sīti tāṃ yajamānāyatane pratiṣṭhāpayati // (11.1) Par.?

āsādanopaveśanābhimantraṇāni rājasūyavat // (12.1) Par.?

tasyāṃ prāṅmukham āsīnaṃ pratyaṅmukhas tiṣṭhann āśvinasaṃpātair abhiṣiñcati devasya tvā savituḥ prasave 'śvinor bāhubhyāṃ pūṣṇo hastābhyām aśvinor bhaiṣajyena tejase brahmavarcasāyābhiṣiñcāmīti // (13.1) Par.?

evam uttareṇa mantreṇa sārasvatasya // (14.1) Par.?

uttamenaindrasya // (15.1) Par.?

Duration=0.22403407096863 secs.