Texts

indro marudbhiḥ sāṃvidyena mādhyaṃdine savane vṛtram ahan // (1) Par.?

yan mādhyaṃdine savane marutvatīyā gṛhyante vārtraghnā eva te yajamānasya gṛhyante // (2) Par.?

tasya vṛtraṃ jaghnuṣa ṛtavo 'muhyan // (3) Par.?

sa ṛtupātreṇa marutvatīyān agṛhṇāt // (4) Par.?

tato vai sa ṛtūn prājānāt // (5) Par.?

yad ṛtupātreṇa marutvatīyā gṛhyante ṛtūnām prajñātyai // (6) Par.?

vajraṃ vā etaṃ yajamāno bhrātṛvyāya praharati // (7) Par.?

yan marutvatīyā ud eva prathamena yacchati praharati dvitīyena stṛṇute tṛtīyena // (8) Par.?

āyudhaṃ vā etad yajamānaḥ saṃskurute yan marutvatīyāḥ // (9) Par.?

dhanur eva prathamo jyā dvitīya iṣus tṛtīyaḥ // (10) Par.?

praty eva prathamena dhatte visṛjati dvitīyena vidhyati tṛtīyena // (11) Par.?

indro vṛtraṃ hatvā parām parāvatam agacchad apārādham iti manyamānaḥ // (12) Par.?

sa harito 'bhavat // (13) Par.?

sa etān marutvatīyān ātmasparaṇān apaśyat // (14) Par.?

tān agṛhṇīta // (15) Par.?

prāṇam eva prathamenāspṛṇutāpānaṃ dvitīyenātmānaṃ tṛtīyena // (16) Par.?

ātmasparaṇā vā ete yajamānasya gṛhyante yan marutvatīyāḥ // (17) Par.?

prāṇam eva prathamena spṛṇute 'pānaṃ dvitīyenātmānaṃ tṛtīyena // (18) Par.?

indro vṛtram ahan // (19) Par.?

taṃ devā abruvan mahān vā ayam abhūd yo vṛtram avadhīd iti // (20) Par.?

tan mahendrasya mahendratvam // (21) Par.?

sa etam mahendram uddhāram udaharata vṛtraṃ hatvānyāsu devatāsv adhi // (22) Par.?

yan mahendro gṛhyate uddhāram eva taṃ yajamāna uddharate 'nyāsu prajāsv adhi // (23) Par.?

śukrapātreṇa gṛhṇāti // (24) Par.?

yajamānadevatyo vai mahendraḥ // (25) Par.?

tejaḥ śukraḥ // (26) Par.?

yan māhendraṃ śukrapātreṇa gṛhṇāti yajamāna eva tejo dadhāti // (27) Par.?