Texts

kṣatrasya yonir asi // (1) Par.?

kṣatrasyolbam asi // (2) Par.?

kṣatrasya nābhir asi // (3) Par.?

āvida āvedayata // (4) Par.?

āvitto agnir gṛhapatiḥ // (5) Par.?

āvitta indro vṛddhaśravāḥ // (6) Par.?

āvittau mitrāvaruṇau dhṛtavratau // (7) Par.?

āvitte dyāvāpṛthivī ṛtāvṛdhau // (8) Par.?

āvittā devy aditiḥ // (9) Par.?

āvittaḥ pūṣā viśvavedāḥ // (10) Par.?

āvitto 'yam asā āmuṣyāyaṇo 'muṣyāḥ putro 'muṣyāṃ viśi // (11) Par.?

eṣa te janate rājā // (12) Par.?

somo asmākaṃ brāhmaṇānāṃ rājā // (13) Par.?

indrasya vajro 'si vārtraghnaḥ // (14) Par.?

tvayāyaṃ vṛtraṃ vadhyāt // (15) Par.?

śatrubādhanās stha // (16) Par.?

pāta prācaḥ // (17) Par.?

pāta pratīcaḥ // (18) Par.?

pātānūcaḥ // (19) Par.?

pāta tiraścaḥ // (20) Par.?

mitro 'si // (21) Par.?

varuṇo 'si // (22) Par.?

hiraṇyavarṇam uṣaso vyuṣṭā ayassthūṇam uditau sūryasya // (23) Par.?

ārohatho varuṇa mitra gartaṃ tatra cakrāthe aditiṃ ditiṃ ca // (24) Par.?

samidham ātiṣṭha // (25) Par.?

gāyatrī tvā chandasāvatu // (26) Par.?

trivṛt stomaḥ // (27) Par.?

rathantaraṃ sāma // (28) Par.?

agnir devatā // (29) Par.?

brahma draviṇam // (30) Par.?

ugrām ātiṣṭha // (31) Par.?

triṣṭup tvā chandasāvatu // (32) Par.?

pañcadaśas stomaḥ // (33) Par.?

bṛhat sāma // (34) Par.?

indro devatā // (35) Par.?

kṣatraṃ draviṇam // (36) Par.?

prācīm ātiṣṭha // (37) Par.?

jagatī tvā chandasāvatu // (38) Par.?

saptadaśas stomaḥ // (39) Par.?

vairūpaṃ sāma // (40) Par.?

maruto devatā // (41) Par.?

viḍ draviṇam // (42) Par.?

udīcīm ātiṣṭha // (43) Par.?

anuṣṭup tvā chandasāvatu // (44) Par.?

ekaviṃśas stomaḥ // (45) Par.?

vairājaṃ sāma // (46) Par.?

mitrāvaruṇau devatā // (47) Par.?

puṣṭaṃ draviṇam // (48) Par.?

ūrdhvām ātiṣṭha // (49) Par.?

paṅktis tvā chandasāvatu // (50) Par.?

triṇavatrayastriṃśau stomau // (51) Par.?

śākvararaivate sāmanī // (52) Par.?

bṛhaspatir devatā // (53) Par.?

varco draviṇam // (54) Par.?

somasya tviṣir asi // (55) Par.?

tviṣimāṁ asi // (56) Par.?

taveva me tviṣir bhūyāt // (57) Par.?

pratyastaṃ namuceś śiraḥ // (58) Par.?

aveṣṭā dandaśūkāḥ // (59) Par.?

mṛtyoḥ pāhi // (60) Par.?

didyot pāhi // (61) Par.?

agnaye svāhā // (62) Par.?

somāya svāhā // (63) Par.?

savitre svāhā // (64) Par.?

sarasvatyai svāhā // (65) Par.?

pūṣṇe svāhā // (66) Par.?

bṛhaspataye svāhā // (67) Par.?

indrāya svāhā // (68) Par.?

ghoṣāya svāhā // (69) Par.?

ślokāya svāhā // (70) Par.?

aṃśāya svāhā // (71) Par.?

bhagāya svāhā // (72) Par.?

kṣetrasya pataye svāhā // (73) Par.?

somasya tvā dyumnenāgnes tejasā sūryasya varcasendrasyendriyeṇa viśveṣāṃ tvā devānāṃ kratunābhiṣiñcāmi // (74) Par.?

ati divas pāhi // (75) Par.?

indrasya yonir asi // (76) Par.?

janaya // (77) Par.?

samāvavṛtrann adharāg udak tā ahiṃ budhnyam anvīyamānāḥ // (78) Par.?

tāḥ parvatasya vṛṣabhasya pṛṣṭhe nāvo viyanti suṣico na vāṇīḥ // (79) Par.?