Texts

om // (1) Par.?

sāvitrair abhrim ādatte prasūtyai // (2) Par.?

iyaṃ vai gāyatrī // (3) Par.?

antarikṣaṃ triṣṭup // (4) Par.?

dyaur jagatī // (5) Par.?

diśo 'nuṣṭup // (6) Par.?

chandobhir evainām ebhyo lokebhya āvartayati // (7) Par.?

ubhayataḥkṣṇud bhavati // (8) Par.?

anyataḥkṣṇuten nvai phāleneyad annaṃ kriyate // (9) Par.?

annam arkaḥ // (10) Par.?

arko 'gnir annasyārkasyāvaruddhyai // (11) Par.?

aratnimātrīṃ kuryāt // (12) Par.?

puruṣeṇa vai yajñas saṃmitaḥ // (13) Par.?

yajñapuruṣā saṃmitām // (14) Par.?

vyāmamātrīṃ kuryāt // (15) Par.?

etāvad vai puruṣe vīryam // (16) Par.?

vīryeṇa saṃmitām // (17) Par.?

aparimitāṃ kuryād aparimitasyāvaruddhyai // (18) Par.?

yo vṛkṣaḥ phalagrahis tasya kuryāt // (19) Par.?

eṣa vai vanaspatīnāṃ vīryāvattamaḥ savīryatvāya // (20) Par.?

kalmāṣīṃ vaiṇavīṃ suṣirāṃ kuryāt // (21) Par.?

agnir vai devebhyo 'pākrāmat // (22) Par.?

sa veṇuṃ prāviśat // (23) Par.?

sa etāni varmāṇy anahyata yāni parūṃṣi // (24) Par.?

etaṃ lokam anvacarad yat suṣiraḥ // (25) Par.?

sa yatrayatrāvasat tan niradahat tat kalmāṣam abhavat // (26) Par.?

yat kalmāṣī vaiṇavī suṣirā bhavati sā hy āgneyītamā samṛddhyai // (27) Par.?

atho yad evāsyātra nyaktaṃ tasyāvaruddhyai // (28) Par.?