Texts

Help

Select a text:
Bibliography
Select a chapter:
 1 revision
Associated topic(s): agnicayana

Show parallels  Show headlines
Use dependency labeler
Chapter id: 16003
  • Click on a sentence to show its analysis
  • Keep the mouse pointer over a lemma to show its meanings.
agnir vai devebhyo 'pākrāmat // (1) Par.?
sa yatra yatrāgacchat taṃ prajāpatir anvapaśyat // (2) Par.?
prājāpatyo 'śvaḥ // (3) Par.?
yad aśvena yanty agner evānukśātyai // (4) Par.?
etena vai devā asurān uttamam abhyabhavan // (5) Par.?
yad aśvena yanti bhrātṛvyasyābhibhūtyai // (6) Par.?
etaṃ vai rakṣāṃsi nātaran // (7) Par.?
yad aśvena yanti rakṣasām atīrtyai // (8) Par.?
aśvaṃ pūrvaṃ nayanti gardabham aparam // (9) Par.?
pāpavasīyasasya vyāvṛttyai // (10) Par.?
tasmāt puṇyaṃ pūrvaṃ yantaṃ pāpīyān paścād anveti // (11) Par.?
gardabhena saṃbharati // (12) Par.?
tasmād eṣa samāvat paśūnāṃ reto dadhānānāṃ kaniṣṭhaḥ // (13) Par.?
agnir hy asya reto niradahat // (14) Par.?
yad etenāsyām ūrjam arkaṃ saṃbharati tasmād eṣo 'syāṃ jīvitatamaḥ // (15) Par.?
pratūrtaṃ vājinn ādrava yuñjāthāṃ rāsabhaṃ yuvam iti // (16) Par.?
aśvagardabhayor evaiṣa // (17) Par.?
yoge yoge tavastaraṃ vāje vāje havāmahe sakhāya indram ūtaya iti // (18) Par.?
ūtyai hi vājāyāgniś cīyate // (19) Par.?
pratūrvann ehy avakrāmann aśastīr iti // (20) Par.?
bahur vai bhavato bhrātṛvyaḥ // (21) Par.?
bhavaty eṣa yo 'gniṃ cinute // (22) Par.?
vajry aśvaḥ // (23) Par.?
pāpmāśastir bhrātṛvyaḥ // (24) Par.?
vajreṇaiva pāpmānaṃ bhrātṛvyam avakrāmati // (25) Par.?
rudrasya gāṇapatye mayobhūr ehīti // (26) Par.?
raudrā vai paśavaḥ // (27) Par.?
rudram eva paśūn niryācyātmane karma kurute // (28) Par.?
urv antarikṣaṃ vīhīti // (29) Par.?
antarikṣadevatyo hy eṣa etarhi // (30) Par.?
pūṣṇā sayujā saheti // (31) Par.?
pūṣā vā adhvanāṃ saṃnetā samaṣṭyai // (32) Par.?
pṛthivyās sadhasthād agniṃ purīṣyam aṅgirasvad ābhareti // (33) Par.?
purīṣāyatano vā agniḥ // (34) Par.?
aṅgirasa etam agre devatābhis samabharan // (35) Par.?
sāyatanam evainaṃ devatābhis saṃbharati // (36) Par.?
agniṃ purīṣyam aṅgirasvad acchema iti brūyād yena saṃgaccheta // (37) Par.?
sarvo vai puruṣo 'gnimān // (38) Par.?
vājam evāsya vṛṅkte // (39) Par.?
prajāpataye procyāgniś cetavyaḥ // (40) Par.?
rājñe procya // (41) Par.?
sa hi prājāpatyatamaḥ // (42) Par.?
iyaṃ vāva prajāpatiḥ // (43) Par.?
tasyā eṣa karṇo yad valmīkaḥ // (44) Par.?
yad valmīkavapām uddhatyābhimantrayate prajāpataya eva procyāgniṃ cinute // (45) Par.?
śṛṇvanty enam agniṃ cikyānam // (46) Par.?
asā agnim aceṣṭeti // (47) Par.?
karṇo hi // (48) Par.?
karṇāyāha // (49) Par.?
Duration=0.17872881889343 secs.