Texts

atha yad aindrāvaruṇaṃ maitrāvaruṇasyokthaṃ bhavatīndrāvaruṇā sutapāv imaṃ sutaṃ somaṃ pibataṃ madyaṃ dhṛtavratāv ity ṛcābhyanūktam // (1) Par.?

madvaddhi tṛtīyasavanam // (2) Par.?

ehy ū ṣu bravāṇi ta āgnir agāmi bhārata iti maitrāvaruṇasya stotriyānurūpau // (3) Par.?

carṣaṇīdhṛtaṃ maghavānam ukthyam ity ukthamukham // (4) Par.?

tasyopariṣṭād brāhmaṇam // (5) Par.?

astabhnād dyām asuro viśvavedā iti vāruṇaṃ sāṃśaṃsikam // (6) Par.?

ahaṃ ceti varuṇo 'bravīt // (7) Par.?

devatayoḥ saṃśaṃsāyānatiśaṃsāya // (8) Par.?

indrāvaruṇā yuvam adhvarāya na iti paryāsa aindrāvaruṇe // (9) Par.?

aindrāvaruṇam asyaitan nityam uktham // (10) Par.?

tad etat svasminn āyatane svasyāṃ pratiṣṭhāyāṃ pratiṣṭhāpayati // (11) Par.?

dvandvaṃ vā etā devatā bhūtvā vyajayanta // (12) Par.?

vijityā eva // (13) Par.?

atho dvandvasyaiva mithunasya prajātyai // (14) Par.?

saikapādinī bhavati // (15) Par.?

ekapādinyā hotā paridadhāti // (16) Par.?

yatra hotur hotrakāṇāṃ yuñjanti tat samṛddham // (17) Par.?

tad vai khalv ā vāṃ rājānāv adhvare vavṛtyām iti // (18) Par.?

evam eva kevalaparyāsaṃ kuryāt kevalasūktam // (19) Par.?

kevalasūktam evottarayor bhavati // (20) Par.?

indrāvaruṇā madhumattamasyeti yajati // (21) Par.?

ete eva tad devate yathābhāgaṃ prīṇāti // (22) Par.?

vaṣaṭkṛtyānuvaṣaṭkaroti // (23) Par.?

praty evābhimṛśante // (24) Par.?

nāpyāyayanti na hy anārāśaṃsāḥ sīdanti // (25) Par.?