Texts

Help

Select a text:
Bibliography

Select a chapter:
(no revisions)

Associated topic(s): atirātra

Show parallels Show headlines
Use dependency labeler

Chapter id: 16150

Click on a sentence to show its analysis
Keep the mouse pointer over a lemma to show its meanings.

tāsu kautsam // (1) Par.?

kutsaś ca luśaś cendraṃ vyahvayetām // (2) Par.?

sa kutsasya havam āgacchat // (3) Par.?

taṃ śatena vārdhrībhir āṇḍayor abadhnāt // (4) Par.?

taṃ luśo 'bhyavadat // (5) Par.?

svavṛjaṃ hi tvām aham indra śuśravānānudaṃ vṛṣabha radhracodanaṃ pra muñcasva pari kutsād ihā gahi kim u tvāvān muṣkayor baddha āsata iti // (6) Par.?

tāḥ sarvāḥ saṃlupya luśam abhi prādravat // (7) Par.?

taṃ kutsa indra suteṣu someṣv ity anvahvayat // (8) Par.?

tam abhyāvartata // (9) Par.?

taṃ luśa indrā ho i hove hoyīti // (10) Par.?

tāv antarātiṣṭhat // (11) Par.?

tāv abravīd aṃśam āharethām // (12) Par.?

ātmanā vām anyatarasya pāsyāmi mahimnānyatarasyeti // (13) Par.?

tatheti // (14) Par.?

tāv aṃśam āharetām // (15) Par.?

ātmānam anyatara udajayan mahimānam anyataraḥ // (16) Par.?

ātmānaṃ kutsa udajayan mahimānaṃ luśaḥ // (17) Par.?

ātmanānyatarasyāpiban mahimnānyatarasya // (18) Par.?

ātmanā kutsasyāpiban mahimnā luśasya // (19) Par.?

ubhā u ha tvāva tasya tāv ātmānau yad ātmā ca mahimā ca // (20) Par.?

tad etat sendraṃ sāma // (21) Par.?

sendro hāsya sadevo yajño bhavaty abhy asyendro yajñam āvartate nāsyendro yajñād apakrāmati ya evaṃ veda // (22) Par.?

yad u kutso 'paśyat tasmāt kautsam ity ākhyāyate // (23) Par.?

tad aiḍam acchāvākasāma bhavati // (24) Par.?

paśavo vā iḍā // (25) Par.?

paśuṣv evaitat pratitiṣṭhati // (26) Par.?

Duration=0.089981079101562 secs.