Texts

āśus trivṛd iti purastād upadadhāti // (1) Par.?

yajñamukhaṃ vai trivṛt // (2) Par.?

yajñamukham eva purastād viyātayati // (3) Par.?

vyomā saptadaśa iti dakṣiṇataḥ // (4) Par.?

annaṃ vai saptadaśaḥ // (5) Par.?

saptadaśaṃ saṃvatsaram annam anuprajāyate // (6) Par.?

annam eva dakṣiṇato bhavati // (7) Par.?

tasmād dakṣiṇena hastena puruṣo 'nnam atti // (8) Par.?

yat saptadaśavatīṃ dakṣiṇata upadadhāti tasmād dakṣiṇaṃ pakṣaṃ vayāṃsy anupariplavante // (9) Par.?

ekaviṃśavatīṃ paścāt pratiṣṭhityai // (10) Par.?

paścāddhi vayāṃsi pratitiṣṭhanti // (11) Par.?

pañcadaśavatīm uttarāt // (12) Par.?

ojo vai pañcadaśaḥ // (13) Par.?

oja evottarād dadhāti // (14) Par.?

tasmād uttarād abhiprayāyī jayati // (15) Par.?

agner bhāgo 'si dīkṣāyā ādhipatyam iti purastād dvau trivṛtau // (16) Par.?

abhipūrvam eva yajñamukhe viyātayati // (17) Par.?

pañcadaśavatīṃ dakṣiṇataḥ saptadaśavatīm uttarāt pakṣayos sayatvāya // (18) Par.?

annaṃ vai saptadaśaḥ // (19) Par.?

yat saptadaśavatīm ubhayata upadadhāty annam evobhayato dadhāti // (20) Par.?

tasmād ubhābhyāṃ hastābhyāṃ parigṛhya puruṣo 'nnam atti // (21) Par.?

ekaviṃśavatī bhavati pratiṣṭhityai // (22) Par.?

agner bhāgo 'si dīkṣāyā ādhipatyam iti // (23) Par.?

etadetad vai devā etābhir aspṛṇvan // (24) Par.?

etadetad evaitābhis spṛṇoti // (25) Par.?

tā etās spṛtayo nāmeṣṭakāḥ // (26) Par.?

ekayāstuvata prajā adhīyanteti // (27) Par.?

etadetad vai devā etābhir asṛjanta // (28) Par.?

etad evaitābhis sarvam avarunddhe // (29) Par.?

arkyasya vā eṣā vidhām anuvidhīyate // (30) Par.?

annam arkaḥ // (31) Par.?

arko 'gniḥ // (32) Par.?

atty annaṃ yasyaiṣaivaṃ viduṣo vidhīyate // (33) Par.?