Texts

Help

Select a text:
Bibliography
Select a chapter:
 1 revision
Associated topic(s): agnicayana

Show parallels  Show headlines
Use dependency labeler
Chapter id: 16307
  • Click on a sentence to show its analysis
  • Keep the mouse pointer over a lemma to show its meanings.
āyos tvā sadane sādayāmīti // (1) Par.?
āyur evottamaṃ dadhāti // (2) Par.?
tasmād āyuḥ prāṇānām uttamam // (3) Par.?
svayamātṛṇṇā bhavati prāṇānām utsṛṣṭyai svargasya lokasyānukśātyai // (4) Par.?
prājāpatyo 'śvaḥ // (5) Par.?
yad aśvam upaghrāpayati prajāpatinaivainaṃ cinute // (6) Par.?
athaiṣā vikarṇī // (7) Par.?
devānāṃ vā eṣā vikrāntiḥ // (8) Par.?
yad vikarṇī devānām evainaṃ vikrāntim anu vikramayati // (9) Par.?
vāyumatī // (10) Par.?
prāṇo vai vāyuḥ // (11) Par.?
āyus svayamātṛṇṇā // (12) Par.?
āyuś caivāsmin prāṇaṃ ca samīcī dadhāti // (13) Par.?
saṃ vā enam etad inddhe yac cinoti // (14) Par.?
dīpayati vāyumatyā // (15) Par.?
saṃvatsaramukhyaṃ bhṛtvāgniṃ cinvīta // (16) Par.?
saṃvatsaro vā agnir vaiśvānaraḥ // (17) Par.?
tasyāhorātrāṇīṣṭakāḥ // (18) Par.?
āpteṣṭakam evainaṃ cinuta ṛdhnoti // (19) Par.?
yan naivaṃ cinuyāt priyayainaṃ tanvā vyardhayet // (20) Par.?
yad evaṃ cinute priyayaivainaṃ tanvā samardhayati // (21) Par.?
satanūr evaitad vaiśvānaraś cīyate // (22) Par.?
ṛtavyā upadadhāty ṛtūnāṃ vidhṛtyai // (23) Par.?
dve dve upadadhāti // (24) Par.?
dvau dvau hy ṛtavaḥ // (25) Par.?
catasro madhyamāyāṃ cityām upadadhāti // (26) Par.?
antarikṣam iva vā eṣā yā madhyamā citiḥ // (27) Par.?
śithilam ivāntarikṣam // (28) Par.?
catasro diśaḥ // (29) Par.?
dikṣv eva pratitiṣṭhati // (30) Par.?
ṛtubhyo vā etā devā niramimata // (31) Par.?
tad ṛtavyānām ṛtavyātvam // (32) Par.?
āyantamāyantam ṛtuṃ pratitiṣṭhati ya evaṃ vidvān etā upadhatte // (33) Par.?
nānāprabhṛtayo bhavanti samānodarkāḥ // (34) Par.?
tasmāt samānasya saṃvatsarasya nānā rūpāṇi // (35) Par.?
avakām upadhāyeṣṭakām upadadhāti // (36) Par.?
agner vā eṣā vaiśvānarasya yonir yad avakā // (37) Par.?
sva evainā yonā upadadhāti śāntyā anuddāhāya // (38) Par.?
ṛdhnoti ya evaṃ vidvān etā upadhatte // (39) Par.?
athaitā viśvajyotiṣaḥ // (40) Par.?
prāṇabhṛto vā etā yajamānasya // (41) Par.?
prāṇam eva prathamayā dādhāra vyānaṃ dvitīyayāpānaṃ tṛtīyayā // (42) Par.?
etā vai devatās svargyāḥ // (43) Par.?
tābhir eva svargaṃ lokam eti // (44) Par.?
etā vai devatā jyotiṣmatīḥ // (45) Par.?
agnir evāsyāsmiṃl loke jyotir bhavati vāyur antarikṣe sūryo divi // (46) Par.?
sarve 'smā ime lokā jyotiṣmanto bhavanti // (47) Par.?
adhipativatīr bhavanti // (48) Par.?
ādhipatyam evaitābhir gacchati // (49) Par.?
lokaṃ pṛṇa chidraṃ pṛṇeti // (50) Par.?
yad evāsyonaṃ yac chidraṃ tad āpūrayati // (51) Par.?
atho sīda dhruvā tvam iti dṛṃhaty evainām // (52) Par.?
indrāgnī tvā bṛhaspatir ity ojo vai vīryam indrāgnī // (53) Par.?
ojasaivainaṃ vīryeṇa cinute // (54) Par.?
tā asya sūdadohasa iti tasmāt paruṣi paruṣi sūdaḥ // (55) Par.?
somaṃ śrīṇanti pṛśnaya ity annaṃ pṛśnī // (56) Par.?
annam evāvarunddhe // (57) Par.?
triṣv ā rocane diva iti trīṇi savanāni // (58) Par.?
savaneṣv evainaṃ cinute // (59) Par.?
anuṣṭub anucarā bhavati // (60) Par.?
prāṇo vā anuṣṭup // (61) Par.?
tasmāt prāṇas sarvāṇy aṅgāny anusaṃcarati // (62) Par.?
vāg vā anuṣṭup // (63) Par.?
yad evāsyātra na kriyate yan na cīyate tad vācā kalpayati tad bhiṣajyati // (64) Par.?
Duration=0.14901494979858 secs.