Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice, penance, prāyaścitta, prāyaścitta, twelve-day Soma rite, dvādaśāha

Show parallels  Show headlines
Use dependency labeler
Chapter id: 16364
  • Click on a sentence to show its analysis
  • Keep the mouse pointer over a lemma to show its meanings.
yadi somam apahareyuḥ vidhāvatecchateti brūyāt / (1.1) Par.?
sa yadi vindanti kim ādriyeran / (1.2) Par.?
yady u na vindanti tatra prāyaścittiḥ kriyate // (1.3) Par.?
dvayāni vai phālgunāni lohitapuṣpāṇi cāruṇapuṣpāṇi ca / (2.1) Par.?
sa yāny aruṇapuṣpāṇi phālgunāni tāny abhiṣuṇuyāt / (2.2) Par.?
eṣa vai somasya nyaṅgo yad aruṇapuṣpāṇi phālgunāni / (2.3) Par.?
tasmād aruṇapuṣpāṇy abhiṣuṇuyāt // (2.4) Par.?
yady aruṇapuṣpāṇi na vindeyuḥ śyenahṛtam abhiṣuṇuyāt / (3.1) Par.?
yatra vai gāyatrī somam acchāpatat tasyā āharantyai somasyāṃśur apatat / (3.2) Par.?
tacchyenahṛtam abhavat / (3.3) Par.?
tasmācchyenahṛtam abhiṣuṇuyāt // (3.4) Par.?
yadi śyenahṛtaṃ na vindeyur ādārān abhiṣuṇuyāt / (4.1) Par.?
yatra vai yajñasya śiro 'cchidyata tasya yo raso vyapruṣyat tata ādārāḥ samabhavan / (4.2) Par.?
tasmād ādārān abhiṣuṇuyāt // (4.3) Par.?
yady ādārān na vindeyur aruṇadūrvā abhiṣuṇuyāt / (5.1) Par.?
eṣa vai somasya nyaṅgo yad aruṇadūrvāḥ / (5.2) Par.?
tasmād aruṇadūrvā abhiṣuṇuyāt // (5.3) Par.?
yady aruṇadūrvā na vindeyur api yān eva kāṃś ca haritān kuśān abhiṣuṇuyāt / (6.1) Par.?
tatrāpyekām eva gāṃ dadyāt / (6.2) Par.?
athāvabhṛthād evodetya punar dīkṣeta / (6.3) Par.?
punaryajño hyeva tatra prāyaścittiḥ / (6.4) Par.?
iti nu somāpahṛtānām // (6.5) Par.?
atha kalaśadirām / (7.1) Par.?
yadi kalaśo dīryetānulipsadhvam iti brūyāt / (7.2) Par.?
sa yady anulabheran prasṛtamātraṃ vāñjalimātraṃ vā tad anyair ekadhanair abhyunnīya yathāprabhāvam pracareyuḥ / (7.3) Par.?
yady u nānulabherann āgrayaṇasyaiva praskandyānyair ekadhanair abhyunnīya yathāprabhāvam pracareyuḥ / (7.4) Par.?
sa yady anītāsu dakṣiṇāsu kalaśo dīryeta tatrāpyekām eva gāṃ dadyāt / (7.5) Par.?
athāvabhṛthād evodetya punar dīkṣeta / (7.6) Par.?
punaryajño hy eva tatra prāyaścittiḥ / (7.7) Par.?
iti nu kalaśadirām // (7.8) Par.?
atha somātiriktānām / (8.1) Par.?
yady agniṣṭomam atiricyeta pūtabhṛta evokthyaṃ gṛhṇīyāt / (8.2) Par.?
yady ukthyam atiricyeta ṣoḍaśinam upeyuḥ / (8.3) Par.?
yadi ṣoḍaśinam atiricyeta rātrim upeyuḥ / (8.4) Par.?
yadi rātrim atiricyetāhar upeyuḥ / (8.5) Par.?
net tv evātīreko 'sti // (8.6) Par.?
Duration=0.13114809989929 secs.