Texts

Help

Select a text:
Bibliography
Select a chapter:
 (no revisions)
Associated topic(s): animal sacrifice, paśubandha

Show parallels  Show headlines
Use dependency labeler
Chapter id: 16379
  • Click on a sentence to show its analysis
  • Keep the mouse pointer over a lemma to show its meanings.
api vā trayāṇām eva mukhyānām anupūrvam avadāya yathākāmam uttareṣām avadyati // (1) Par.?
yūṣe medo 'vadhāya medasā juhūṃ prorṇoti // (2) Par.?
upariṣṭāddhiraṇyaśakalaṃ nidhāyābhighārayati // (3) Par.?
tryaṅgāṇi pratyabhighāryopabhṛti tryaṅgāṇāṃ sviṣṭakṛte sakṛt sakṛd avadyati dakṣiṇasya doṣṇaḥ savyāyāḥ śroṇer gudakāṇḍam iti // (4) Par.?
purastād eva gudaṃ dvaidhaṃ kṛtvā sthavimad upayaḍbhyo nidadhāti // (5) Par.?
aṇimat traidhaṃ karoti // (6) Par.?
tasya madhyamaṃ juhvāṃ dvaidhaṃ kṛtvāvadadhāti sthaviṣṭham upabhṛty aṇiṣṭham iḍāyāṃ dvaidhaṃ kṛtvā // (7) Par.?
yūṣe medo 'vadhāya medasopabhṛtaṃ prorṇoti // (8) Par.?
upariṣṭāddhiraṇyaśakalaṃ nidhāya dvir abhighārayati // (9) Par.?
pātryām iḍāṃ samavadyati hṛdayāj jihvāyā yakno vṛkkayor gudayor gudād vaniṣṭhoḥ saptamāt // (10) Par.?
atraiva dakṣiṇāṃ śroṇim adhyuddhiṃ klomānaṃ plīhānaṃ purītataṃ meda ity anvavadhāya yūṣṇopasicyābhighārayati // (11) Par.?
yūṣṇo vasāhomaṃ gṛhṇāti // (12) Par.?
svadhitinā dhārāṃ prayauti // (13) Par.?
sakṛc caturavadānasya dviḥ pañcāvadānasya // (14) Par.?
abhighārya yāni cāvattāni yāni cānavattāni śṛtaṃ cāśṛtaṃ ca sarvaṃ paśuṃ saṃnidhāyābhimṛśati aindraḥ prāṇo aṅge aṅge nidedhyad iti // (15) Par.?
Duration=0.053915977478027 secs.